ডিজিটেল ডেস্কঃ দেওবাৰে অমিতাভ বচ্চনে নিজৰ অনুৰাগীসকলক সাক্ষাৎ কৰিবলৈ ওলাই আহিল আৰু এইবাৰ তেওঁ নাতি অগস্ত্য নন্দাকো লগতে লৈ আনিছিল৷ অনলাইনত শ্বেয়াৰ কৰা ভিডিঅ’ত বিগ বিয়ে ঘৰৰ বাহিৰত ৰৈ থকা নিজৰ অনুৰাগীক সম্ভাষণ জনোৱা দেখা গ’ল।
তেওঁক প্ৰতিজন অনুৰাগীয়ে বিপুল আদৰণি জনালে। এইবাৰ নাতি অগস্ত্যক সকলোৰে লগত চিনাকি কৰাই দিওঁতে বিগ বিক অলপ বেছিয়েই সুখী যেন দেখা পোৱা গ’ল।
ইনষ্টাগ্ৰামত শ্বেয়াৰ কৰা এটা ভিডিঅ’ত অমিতাভ বচ্চনে অগস্ত্যক যোগদান কৰিবলৈ আহ্বান জনায় আৰু ক্ষন্তেকতে অনুৰাগীৰ ফালে চাই অগস্ত্যৰ বিষয়ে অৱগত কৰে। বচ্চনে অগস্ত্যক তেওঁৰ সৰু নাতি বুলি পৰিচয় কৰাই দিয়ে আৰু তেওঁৰ সেই জনপ্ৰিয় চিৰ পৰিচিত হাঁহিটো মাৰে। বগা পোছাক পৰিহিত অগস্ত্যই অমিতাভ বচ্চনৰ লগত যোগ দি ৰাইজক সম্ভাষণ জনালে। এই ভিডিঅ’টো এতিয়া ছ’চিয়েল মিডিয়াত ভাইৰেল হৈ পৰিছে।
এইবাৰ ৰুপালী পৰ্দাত অমিতাভক ‘Kalki 2898 AD’ত দেখা গৈছিল। ছবিখনৰ ছিকুৱেলৰ বাবে তেওঁ পুনৰ ঘূৰি আহিব। ইফালে অগষ্ট্য তেওঁৰ আগন্তুক ছবি ‘ইক্কিছ’ত ব্যস্ত। শ্ৰীৰাম ৰাঘৱনৰ পৰিচালনাত নিৰ্মিত এই ছবিখনত ধৰ্মেন্দ্ৰেও অভিনয় কৰিছে।
Continue Reading
