বলীউডৰ অভিনেতা নানা পাটেকাৰৰ চৰ মৰাৰ কাণ্ডক লৈ এতিয়া চৰ্চা চলিছে আৰু এতিয়া এই বিষয়ত চৰ খোৱা ল’ৰাটোৰ স্পষ্টীকৰণো চৰ্চালৈ আহিছে। দৰাচলতে বাৰাণসীত ‘জাৰ্ণি’ ছবি

Listen to Article

2 min read

80%

ডিজিটেল ডেস্কঃ বলীউডৰ অভিনেতা নানা পাটেকাৰৰ চৰ মৰাৰ কাণ্ডক লৈ এতিয়া চৰ্চা চলিছে আৰু এতিয়া এই বিষয়ত চৰ খোৱা ল’ৰাটোৰ স্পষ্টীকৰণো চৰ্চালৈ আহিছে। দৰাচলতে বাৰাণসীত ‘জাৰ্ণি’ ছবিখনৰ শ্বুটিং চলি থকাৰ সময়ত নানা পাটেকাৰৰ লগত ফটো উঠিবলৈ আহিছিল এটা ল’ৰা। সেই ল’ৰাজনকে চৰ মাৰি খেদায় নানা পাটেকাৰে। এই ঘটনা কেমেৰাত বন্দী হোৱাৰ পাছত ছ’চিয়েল মিডিয়াত ভাইৰেল হৈ পৰে। ইয়াৰ পিছত মানুহে নানাৰ বিৰুদ্ধে ব্যৱস্থা গ্ৰহণৰ কথা কয়।

অৱশ্যে নানা পাটেকাৰে টুইটাৰৰ জৰিয়তে অনুৰাগীসকলৰ আগত নিজৰ মতামত প্ৰকাশ কৰে। ক্ষমা খুজি তেওঁ কয় যে ফটো তোলা ল’ৰাটো যে বাহিৰৰ মানুহ সেই কথা তেওঁ জনা নাছিল। য’ত তেওঁ কৈছিল যে তেওঁৰ উদ্দেশ্য একেবাৰেই এনেকুৱা নাছিল। ছবিখনতো একেধৰণৰ এটা দৃশ্য আছিল য’ত এজন ল’ৰা ফটোৰ বাবে বাবে আহে আৰু তেওঁক চৰ মাৰিব লগা হয়। চিনেমাখনৰে দৃশ্য বুলি ভাবি তেওঁ সেই ল’ৰাজনক চৰ মাৰি দিয়ে। কথাটো গম পোৱাৰ পাছত সেই ল'ৰাজনক মাতিবলৈ শ্বুটিং ক্ৰুৰ লোকসকল গ'ল তেতিয়ালৈকে ল'ৰাজন তাৰ পৰা গুচি গৈছিল।

অৱশ্যে এই সমগ্ৰ ঘটনাৰ বাবে নানা পাটেকাৰে ক্ষমা বিচাৰি কয় যে তেওঁ বাৰাণসীক সদায় ভাল পাই আহিছে।

এতিয়া এই ঘটনাটোৰ সন্দৰ্ভত মুখ খুলিছে চৰ খোৱা ল’ৰাজনে। তেওঁ কয় যে বাৰাণসীৰ ঘাটত গা ধুবলৈ আহি তেওঁ নানা পাটেকাৰক দেখা পাইছিল। প্ৰিয় অভিনেতাগৰাকীক চকুৰ সন্মুখত দেখি আনন্দিত হৈ উঠে ল’ৰাজন। তেওঁ নানাৰ লগত ফটো উঠিবলৈ কাষ চাপি যায় আৰু তেতিয়াই সেই ল’ৰাজনক চৰ মাৰি খেদাই দিয়ে নানা পাটেকাৰে।

ল’ৰাজনে ভিডিঅ’ যোগে নিজ মত প্ৰকাশ কৰি কয় যে ‘‘মই নানা পাটেকাৰৰ ডাঙৰ অনুৰাগী। ‘মোৰ নাম ৰাজ সুংকৰ। মই বানাৰসীৰ তুলসীপুৰত বাস কৰো। নানা পাটেকাৰে মোক চৰ মাৰিছিল। মই গা ধুবলৈ তালৈ গৈছিলোঁ আৰু সেই সময়ত মোৰ চকু শ্বুটিঙৰ ওপৰত পৰে। তাতে কিছু সময় মই ৰৈ থাকিলোঁ আৰু তাৰপাছত নানা পাটেকাৰৰ ওচৰলৈ গৈ ফটো এখন উঠিব বিচাৰিলোঁ। কিন্তু ফটো উঠিবলৈ তেওঁ অস্বীকাৰ কৰিলে আৰু মোক চৰ মাৰি পঠিয়াই দিলে।’’

ল’ৰাজনে কয়, ‘‘চিনেমাখনত মই একো ৰ’ল কৰা নাছিলো৷ এই ঘটনাৰ বাবেই সমগ্ৰ স্থানীয় অঞ্চলত মোক বহুত অপমান কৰা হৈছে। মাৰ খোৱাৰ পাছত শ্বুটিঙৰ কোনো লোকে মোক মাতিবলৈ অহা নাছিল। অপমানিত হৈ মই তাৰ পৰা আঁতৰি আহিলোঁ।’’

ৰাজ সুংকৰে লগতে কয় ‘‘মই তেওঁৰ ডাঙৰ অনুৰাগী৷ মই তেওঁক ভাল পাওঁ আৰু তেওঁ ইমান ডাঙৰ ষ্টাৰ গতিকে তেওঁৰ লগত ফটো এখন তোলাৰ কথা ভাবিলোঁ কিন্তু মই যাওঁতে মোক চৰ মাৰি পঠিয়াই দিলে। প্ৰথমে সন্মুখৰ পৰা দেখাত বিশ্বাস কৰিব পৰা নাছিলো যে তেওঁহে, তাৰ পিছত অলপ ওচৰলৈ গৈ চাওঁতে বিশ্বাস হ’ল যে সেইজনেই নানা পাটেকাৰ। মই নানা পাটেকাৰৰ বিৰুদ্ধে কোনো ব্যৱস্থা লোৱাটো নিবিচাৰোঁ।’’