ডিজিটেল ডেস্ক : কেৱল পশ্চিমবংগৰ প্ৰাক্তন মন্ত্ৰী পাৰ্থ চেটাৰ্জীক দেখা কৰিবলৈ যাওঁতেহে অৰ্পিতা মুখাৰ্জীৰ গাড়ে চলোৱা ব্যক্তিগত গাড়ীচালক প্ৰণব ভট্টাচাৰ্যক ইডিয়ে অতি সোনকালে জেৰা কৰাৰ সম্ভাৱনা আছে৷ পশ্চিমবংগৰ স্কুল চাৰ্ভিছ কমিচনত হোৱা কেলেংকাৰী সন্দৰ্ভত ইডয়ে প্ৰণব ভট্টাচাৰ্যক সোধাপোছা কৰিব৷
ইডিৰ কৰ্তৃপক্ষই জনোৱা মতে তেওঁলোকে কেলেংকাৰী সন্দৰ্ভত সম্ভৱপৰ সকলো তথ্য একত্ৰিত কৰি আছে৷ ডায়মণ্ড চিটি হাউচিং কমপ্লেক্সত জুলাই মাহত অনুসন্ধান চলাওতে ইডিয়ে প্ৰণব ভট্টাচাৰ্য সম্পৰ্কে কিছু তথ্য লাভ কৰিছিল৷
প্ৰণব ভট্টাচাৰ্যয়ে জানিবলৈ দিয়ে যে অৰ্পিতা মুখাৰ্জী বৰ্তমান আৰক্ষীৰ জিম্মাত থকাৰ বাবে জুলাই মাহৰ দৰমহা তেওঁ এতিয়ালৈকে লাভ কৰা নাই আৰু বৰ্তমান পৰিয়ালক পোহপাল দিবলৈ আন এটা চাকৰি বিচাৰি পোৱাটোয়েই তেওঁৰ বাবে বৃহৎ প্ৰত্যাহ্বান হৈ পৰিছে৷ লগতে অৰ্পিতা মুখাৰ্জীয়ে পাৰ্থ চেটাৰ্জীক দেখা কৰিবলৈ যাওঁতেহে তেওঁৰ সহায় লৈছিল বুলিও প্ৰণব ভট্টাচাৰ্যৰ নিজেই সদৰি কৰে ।
আনহাতে স্থানীয় বিধায়কৰ জৰিয়তে চাকৰি পাবলৈ পাৰ্থ চেটাৰ্জীৰ সহায় বিছাৰিছিল প্ৰণব ভট্টাচাৰ্যয়ে৷ সেইমতে সেই চাকৰিটোও লাভ কৰিছিল প্ৰণব ভট্টাচাৰ্যয়ে৷
অৰ্পিতা মুখাৰ্জীৰ আন গাড়ীচালক আছিল যদিও ডায়মণ্ড চিটি হাউচিং কমপ্লেক্সৰ পৰা আন ঠাইলৈ গ’লে প্ৰণব ভট্টাচাৰ্যকহে প্ৰাধান্য দিছিল বুলি তেওঁ কয়৷ চলিত বৰ্ষৰ জানুৱাৰী মাহত প্ৰণব ভট্টাচাৰ্যক গাড়ীচালক হিচাপে নিয়োগ কৰিছিল অৰ্পিতা মুখাৰ্জীয়ে৷ তদুপৰি পাৰিবাৰিক সম্পৰ্কও আছিল অৰ্পিতা আৰু প্ৰণব মুখাৰ্জীৰ মাজত৷
Continue Reading
