ডিজিটেল ডেস্ক: শেহতীয়াকৈ ৰাষ্ট্ৰীয় পৰিসংখ্যা কাৰ্যালয়ৰ দ্বাৰা পৰিচালিত পিৰিয়াডিক লেবাৰ ফৰ্চ চাৰ্ভে প্ৰকাশ পাইছে৷ ২০২৩-২৪ চনৰ পিৰিয়ডিক লেবাৰ ফৰ্চ চাৰ্ভে(PLFS) অনুসৰি, ভাৰতত ১৫-২৯ বছৰৰ ভিতৰত যুৱ নিবনুৱাৰ হাৰ প্ৰায় ১০.২%। এই হাৰ নগৰ আৰু গ্ৰাম্য অঞ্চলসমূহত ভিন ভিন হোৱা পৰিলক্ষিত হৈছে। তথ্য অনুসৰি নগৰাঞ্চলৰ মহিলা নিবনুৱাৰ হাৰ ২০.১% হোৱাৰ পৰিৱৰ্তে নগৰাঞ্চলৰ পুৰুষ নিবনুৱাৰ হাৰ ১২.৮%। আনহাতে, গ্ৰাম্য অঞ্চলত পুৰুষ নিবনুৱাৰ হাৰ ৮.৭% আৰু মহিলা নিবনুৱাৰ হাৰ ৮.২% পৰিলক্ষিত হৈছে।
উল্লেখযোগ্য যে চাৰ্ভে অনুসৰি ১৫ বছৰ আৰু তাৰ ওপৰৰ লোকৰ নিবনুৱাৰ হাৰ ২০২৩-২৪ চনত ৩.২% অপৰিৱৰ্তিত হৈ থকা পৰিলক্ষিত হৈছে৷মহিলাসকলৰ নিবনুৱাৰ হাৰ পূৰ্বৰ বছৰৰ ২.৯%ৰ তুলনাত ৩.২%লৈ বৃদ্ধি পাইছে।কেন্দ্ৰীয় শাসিত অঞ্চল লক্ষদ্বীপত মহিলাৰ নিবনুৱা হাৰ ৭৯.৭% আৰু পুৰুষ নিবনুৱাৰ হাৰ ২৬.২% ৰে সৰ্বোচ্চ নিবনুৱাৰ হাৰ দেখিবলৈ পোৱা গৈছে। ইয়াৰ পিছতে আন এখন কেন্দ্ৰীয় শাসিত অঞ্চল আন্দামান আৰু নিকোবৰ দ্বীপপুঞ্জ, নিবনুৱাৰ হাৰ ৩৩.৬% য’ত মহিলাৰ নিবনুৱাৰ হাৰ ৪৯.৫% আৰু পুৰুষৰ নিবনুৱা হাৰ ২৪% দেখিবলৈ পোৱা গৈছে।
আন কিছু ৰাজ্য, যেনে বিহাৰ-১০.৩%, হাৰিয়ানা-৯.৮%, জম্মু আৰু কাশ্মীৰ-৮.৯%, অৰুণাচলপ্ৰদেশ-৮.৫%,ত্ৰিপুৰা-৮.১ আদি ৰাজ্যতো সৰ্বোচ্চ নিবনুৱাৰ হাৰ দেখিবলৈ পোৱা গৈছে। ইয়াৰ পৰিৱৰ্তে মধ্য প্ৰদেশ-২.৬%, গুজৰাট-২.৮%, মেঘালয়-৩.৫%, কৰ্ণাটক-৩.৮%,মহাৰাষ্ট্ৰ-৪.০% আদি ৰাজ্যত সৰ্বনিম্ন নিবনুৱাৰ হাৰ দেখিবলৈ পোৱা গৈছে৷
Continue Reading
