অসম চুক্তি ৰূপায়ণ আৰু অসমীয়াৰ সংজ্ঞা নিৰ্ধাৰণ সন্দৰ্ভত কোনে কি ক’লে?

জানো আহক কোনে কি কলে এই সন্দৰ্ভত-

 

অসম প্ৰদেশ কংগ্ৰেছৰ নেতা ভূপেন বৰাই কয় যে, স্মাৰ্ট মিটাৰ, মুখ্যমন্ত্ৰী ৰ পৰিয়ালৰ দুৰ্নীতি এই ইছ্যু দাইভাৰ্ট কৰিবলৈ এই চেষ্টা।চৰকাৰে ৫৭ তা পৰামৰ্শ ৰূপায়ন কৰিম বুলি প্ৰথমে কৈ এতিয়া কৈছে ৪০ টা ৰূপায়ন কৰিব ৰাজ্য চৰকাৰে। ৰাজনৈতিক বিষয় সমূহ বাদ দি কেনেকৈ সম্ভৱ হ’ব ৰূপায়ন কৰ! লগতে কয়, অসম আন্দোলনত আমিও জড়িত আছিলো। মুখ্যমন্ত্ৰীৰ মতে জাতিৰ সংজ্ঞা নিৰূপণ হ’লে বিপদজনক হ’ব। এটা জাতিৰ দুটা সংজ্ঞা কেনেকৈ? মুখ্যমন্ত্ৰী য়ে অসম চুক্তিক ৰাজনৈতিক হাথিয়াৰ হিচাপে ব্যৱহাৰ কৰিছে নেকি প্ৰশ্ন উত্থান কৰি কয়, মুখ্যমন্ত্ৰী য়ে কোৱাৰ দৰে শিলসাকোত উচ্ছেদ কৰিবলৈ বিপ্লৱ শৰ্মাই পৰামৰ্শ দিছিল যদি জিনজাৰ আৰু আজমল ৰ বিল্ডিং ত কিয় উচ্ছেদ নহ’ল। বিপ্লৱ শৰ্মাৰ প্ৰতিবেদন ৪ বছৰ পাছত কল্ড স্তৰেজৰ পৰা উলিয়াই অনাৰ দৰে NRC আৰু ৬ জনগোষ্ঠীৰ জনজাতিকৰনৰ বিষয়টো ও উলিয়াই আনক।

  

লুৰিন জ্যোতি গগৈয়ে এই সন্দৰ্ভত মত প্ৰকাশ কৰি কয় যে, কেন্দ্ৰীয় গৃহ মন্ত্ৰণালয়ে এতিয়ালৈ স্বীকৃতি দিয়া নাই বিপ্লৱ শৰ্মা প্ৰতিবেদনক। গৃহ বিভাগৰ যুটীয়া সচিবে এতিয়ালৈ স্বাক্ষৰ কৰা নাই। এই প্ৰতিবেদন বৰাকত প্ৰযোজ্য নহয় বুলি মুখ্যমন্ত্ৰীয়ে কৈছে কিন্তু বৰাকৰ বিভিন্ন দল সংগঠন ৰাইজৰ পৰামৰ্শ লোৱা হৈছিল। যি কথা প্ৰতিবেদনত উল্লেখ আছে। মুখ্যমন্ত্ৰী বৰাকৰ ৰাইজৰ শত্ৰু সেই কথা প্ৰতিফলিত হৈছে।

বিৰোধী ঐক্যৰ নেতা তথা সাংসদ অজিত ভূঞাই এই সন্দৰ্ভত মত প্ৰকাশ কৰি কয় যে মানুহে ভাবিব পাৰে মুখ্যমন্ত্ৰী য়ে বহুত ভাল কাম এটা কৰিছে যত সমূজ্বল ভট্টাচাৰ্যও জড়িত হৈছে। খিলঞ্জীয়াৰ স্বাৰ্থ ৰক্ষাক লৈ মুখ্যমন্ত্ৰী কিমান চিন্তিত তাক দেখুৱাবলৈ বিপ্লৱ শৰ্মাৰ প্ৰতিবেদন খন উলিয়াই আনিছে। মুখ্যমন্ত্ৰী য়ে টেঙা আম বেচিব আৰম্ভ কৰিছে মানুহ সজাগ নহলে ভয়ংকৰ অৱস্থালৈ গতি কৰিব। 26 ৰ নিৰ্বাচনৰ বাবে এই প্ৰস্তুতি। কেন্দ্ৰীয় গৃহ বিভাগে গ্ৰহণ নকৰাকৈ  কেনেকৈ ৰূপায়ন কৰিব। প্ৰতিবেদনত উল্লেখ কৰা অসমীয়াৰ সংজ্ঞা কিয় গ্ৰহণযোগ্য নহয় মুখ্যমন্ত্ৰীয়ে উত্তৰ দিব লাগিব। মুখ্যমন্ত্ৰীৰ ভয়ংকৰ ষড়যন্ত্ৰ আছুয়ে যদি বুজি পোৱা নাই কি কৰিব। সমূজ্বল ভট্টাচাৰ্যইও উত্তৰ দিব লাগিব।মুখ্যমন্ত্ৰীৰ মূল উদ্দেশ্য খিলঞ্জীয়া ৰ ভূমি বিদেশীক গতাই দিয়া। এই কথা আমি প্ৰমাণ কৰি দিম।’