ডিজিটেল ডেস্কঃ টোলগেট যেন এতিয়া সকলো লোকৰ বাবেই এক মোৰৰ কামোৰণি সদৃশ হৈ পৰিছে। বৰ্ধিত টোলকৰ জনসাধাৰণে বহন কৰিব লগা হোৱাত জনসাধাৰণ এতিয়া অতিষ্ঠ হৈ পৰিছে। চলিত বৰ্ষৰ ১ এপ্ৰিলৰ পৰা বাঢ়িছিল টোলগেটৰ মাছুল । বৰ্ধিত হাৰত টোল কৰ দিব লগা হৈছিল জনসাধাৰণে। ১০০ টকাত ১৫ টকাকৈ বাঢ়িছে টোল গেটৰ মাছুল। দেশজুৰি ইয়াকে লৈ তীব্ৰ প্ৰতিক্ৰিয়া হৈছে।
শেহতীয়াকৈ এক ডাঙৰ খবৰ আহি পৰিছে, ৰাষ্ট্ৰীয় ঘাইপথ প্ৰাধিকৰণৰ বিধি উলংঘা কৰি অসমত স্থাপন কৰা চাৰিখন টোলগেট বন্ধ হোৱাৰ পথত। উল্লেখযোগ্য যে, সমগ্ৰ দেশতে ৰাষ্ট্ৰীয় ঘাইপথ প্ৰাধিকৰণৰ বিধি উলংঘা কৰি নিৰ্মাণ কৰা দেশৰ ১৮৯ খন টোলগেট চিনাক্ত কৰা হৈছে। সেই টোলগেটসমূহৰ ভিতৰত চাৰিখন আছে অসমৰ টোলগেট। তথ্যৰ অধিকাৰ আইনৰ জৰিয়তে এই তথ্য উদঘাটন কৰিছে গ্লবেল পেনডেমিক ৰেচপনছ ফৰাম নামৰ এটা স্বেচ্ছাসেৱী সংগঠনে। সংগঠনটোৰ সঞ্চালক ৰাকেশ হাজৰিকাই কয় যে, প্ৰতিখন টোলগেটৰ মাজৰ ব্যৱধান ৬০ কিলোমিটাৰ থাকিব লাগে, কিন্তু এই নিয়ম উলংঘা কৰা দেশৰ ১৮৯ খন চিনাক্ত কৰা হৈছে। ইয়াৰ ভিতৰত অসমৰ চাৰিখন টোলগেট আছে।
খবৰ অনুসৰি অসমৰ মদনপুৰ আৰু নাজিৰাখাটত স্থাপন হোৱা দুখন টোলগেটৰ মাজৰ ব্যৱধান হল ৫৯ কিলোমিটাৰ। তদুপৰি দাহালপাৰা আৰু পাটগাঁৱত স্থাপন হোৱা টোলগেট দুখনৰ মাজৰ ব্যৱধান হল ৫৪ কিলোমিটাৰ। মিকিৰআটি আৰু ৰহাত স্থাপন হোৱা টোলগেট দুখনৰ মাজৰ ব্যৱদান হল ৫৩ কিলোমিটাৰ আৰু গলিয়া আৰু দাহালপাৰাৰ মাজত স্থাপন হোৱা টোলগেট দুখনৰ ব্যধান হল ৪৬ কিলোমিটাৰ। গতিকে এনে পৰিস্থিতিতিত আটাইকেইখন টোলগেট নিয়ম বহিঃভূতভাৱে আছে আৰু ইয়াক হয়তো ভাঙি পোলোৱা হব। এতিয়া প্ৰশ্ন উত্থাপন হয়, ইমানদিনে এই টোলগেট কেইখনে জনসাধাৰণৰ পৰা আদায় কৰি অহা টকা ঘূৰাই দিব নে সেই টকা তেওঁলোকে নিয়ম বৰ্হিভূতভাৱে সংগ্ৰহ কৰিলে।
Continue Reading
