অৰুণাচলত ভয়ংকৰ হিমস্খলন! সন্ধানহীন সাত ভাৰতীয় সেনাৰ জোৱান

ডিজিটেল ডেস্কঃ অৰুণাচল প্ৰদেশৰ পৰা আহিছে এক দুঃসংবাদ। অৰুণাচল প্ৰদেশৰ কামেং খণ্ডৰ উচ্চ অঞ্চলত হিমস্খলনৰ ফলত ভাৰতীয় সেনাৰ সাতজন জোৱান সন্ধানহীন হৈছে। সেনাৰ চৰকাৰী সূত্ৰই কথা সদৰী কৰিছে এই কথা। তেওঁলোকৰ সন্ধান উলিওৱাৰ বাবে অনুসন্ধান আৰু উদ্ধাৰ অভিযান চলাই থকা হৈছে। দেওবাৰে অৰুণাচল প্ৰদেশত সংঘটিত হয় এই হিমস্খলনৰ ঘটনা। এই অঘটনৰ ফলত সন্ধানহীন হোৱা এই সাতজন জোৱান এটা টহলদাৰী দলৰ অংশ আছিল বুলি জানিবলৈ দিয়ে ৰক্ষণাবেক্ষণ মন্ত্ৰালয়ৰ জনসংযোগ বিষয়া লেফটেনেণ্ট কৰ্ণেল হৰ্ষবৰ্ধন পাণ্ডেই। সন্ধানহীন জোৱান কেইজনৰ উদ্ধাৰ অভিযানত সহায় কৰিবলৈ বিশেষ দলসমূহক বিমানযোগে প্ৰেৰণ কৰা হৈছে। ইটানগৰৰ ওচৰৰ ডাৰিয়া পাহাৰত ৩৪ বছৰৰ পিছত তুষাৰপাত হৈছে। অৰুণাচল প্ৰদেশৰ পশ্চিম কামেং জিলাৰ ৰূপা চহৰত দুটা দশকৰ পিছত তুষাৰপাত হৈছে। সীমান্ত ৰাজ্যখনৰ কেইবাটাও উচ্চতাৰ অঞ্চলত এই মাহত প্ৰচণ্ড তুষাৰপাত হৈছে, যি কথাই চিন্তিত কৰি তুলিছে অৰুণাচলবাসীক। আৰু পঢ়কঃ নৱাজুদ্দিনৰ নতুন বিলাসী ঘৰত কংগনা; কেৱল কংগনাই হে নিমন্ত্ৰণ পালে কিয়?