ঔষধি উদ্ভিদ সংৰক্ষণৰ বাবে প্ৰধান কেন্দ্ৰ হিচাপে কোট্ৰাঝাৰ নিৰ্বাচিত

অসমৰ বাবে এক অত্যন্ত আনন্দদায়ক খবৰ হিচাপে কোট্ৰাঝাৰক দেশৰ ১৩খন ৰাজ্য আৰু কেন্দ্ৰীয়শাসিত অঞ্চলৰ ভিতৰত নিৰ্বাচিত ১৬টা গুৰুত্বপূৰ্ণ জনজাতীয় হটস্পটৰ অন্তৰ্ভুক্ত কৰা হৈছে। এই অঞ্চলসমূহত থকা চহকী ঔষধি উদ্ভিদৰ জৈৱ বৈচিত্ৰ্য সংৰক্ষণৰ লক্ষ্যৰে এক বিশেষ প্ৰকল্প ৰূপায়ণ কৰা হ'ব।

ভাৰত চৰকাৰৰ জনজাতি পৰিক্ৰমা মন্ত্ৰালয়ে লক্ষ্ণৌস্থিত চিএছআইআৰ-নেশ্যনেল ব'টানিকেল ৰিছাৰ্চ ইনষ্টিটিউটৰ সহযোগত এই গুৰুত্বপূৰ্ণ প্ৰকল্পটো মুকলি কৰিছে। 'ইণ্টিগ্ৰেটেড কনজাৰ্ভেচন, এগ্ৰ'া-টেকনোলজি এণ্ড বায়োৰোচৰ্চ এণ্টাৰপ্ৰাইজ ডেভেলপমেণ্ট ফৰ চেইচেইনেবল ট্ৰাইবেল লাইভলিপুডচ্ ইন ট্ৰাইবেল হটস্পটচ্ অৱ ইণ্ডিয়া' শীৰ্ষক এই প্ৰকল্পটোৱে জনজাতীয় অঞ্চলৰ ঔষধি উদ্ভিদ সংৰক্ষণ কৰাৰ লগতে পৰম্পৰাগত জ্ঞান আৰু থলুৱা জৈৱ সম্পদক কামত লগাই জনজাতীয় সমাজৰ বাবে স্থায়ী জীৱিকা আৰু উদ্যোগৰ সুযোগ সৃষ্টি কৰিব।

এই প্ৰকল্পৰ স্থায়িত্বৰ বাবে জনজাতীয় অঞ্চলসমূহত জৈৱ বৈচিত্ৰ্য আৰু পৰম্পৰাগত ইক'লজিকেল জ্ঞানৰ বিস্তৃত নথিপত্ৰ প্ৰস্তুত কৰি জনসাধাৰণৰ জৈৱ বৈচিত্ৰ্য পঞ্জী অধিক সম্পূৰ্ণ কৰি তোলাটো অতি প্ৰয়োজনীয় বুলি প্ৰকাশ পাইছে। প্ৰকল্পটোৰ বিভিন্ন কাৰ্যসূচীৰ ভিতৰত ২০০ৰ পৰা ৩০০বিধ ঔষধি উদ্ভিদৰ প্ৰজাতিৰ নথিপত্ৰ প্ৰস্তুতকৰণ, ৩০ৰ পৰা ৪০বিধ বিৰল আৰু বিলুপ্তপ্ৰায় প্ৰজাতিৰ বৈজ্ঞানিক প্ৰজনন, ১৬টা সম্প্ৰদায় ভিত্তিক নাৰ্চাৰী আৰু বীজ বেংক স্থাপন আদি অন্তৰ্ভুক্ত হৈছে।