অভিষেক বচ্চনক জোঁৱাই হিচাপে বিচাৰিছিল হেমা মালিনীয়ে! পিছে কিয় নহ'ল এই বিয়া?

ডিজিটেল ডেস্কঃ বলীউডৰ 'ড্ৰিম গাৰ্ল' হেমা মালিনীয়ে বলীউডৰ শ্বাহেনশ্বাহ অমিতাভ বচ্চনৰ পুত্ৰ অভিষেক বচ্চনক জোঁৱাই হিচাপে পাব বিচাৰিছিল। হেমাই কন্যা ঈষাৰ বাবে অভিষেক বচ্চনক মনে মনে জোঁৱাই হিচাপে পচন্দ কৰিছিল। ঈষা দেউলে ২০০২ চনত চিনেমাজগতত আত্মপ্ৰকাশ কৰিছিল৷ ঈষাৰ পিতৃ-মাতৃ ধৰ্মেন্দ্ৰ আৰু হেমা মালিনী বলীউডৰ জাকতজিলিকা তাৰকা যদিও বলীউডত ঈষাৰ কেৰিয়াৰ একেবাৰে আকৰ্ষণীয় নাছিল। ১৯৮১ চনৰ ২ নৱেম্বৰত মুম্বাইত জন্ম হৈছিল ঈষাৰ। ঈষাৰ পিতৃ ধৰ্মেন্দ্ৰক 'বীৰু' নামেৰে আৰু মাতৃ 'হেমা'ক সকলোৱে মাতে বাসন্তী বুলি। ধৰ্মেন্দ্ৰ 'হিমেন' নামেৰে আৰু হেমা মালিনী 'ড্ৰিম গাৰ্ল' নামেৰে জনাজাত। হেমা মালিনীয়ে কন্যা ঈষাৰ বিবাহৰ উপযুক্ত সময়ত অভিষেক বচ্চনৰ সৈতে বিয়া দিব বিচাৰিছিল৷ কিন্তু ঈষা দেওলে এই সম্পৰ্ক স্থাপন কৰিবলৈ অস্বীকাৰ কৰিছিল৷ ঈষাই কয় যে ''অভিষেকৰ সৈতে মই বিয়া হোৱাৰ কথা ভাবিবই নোৱাৰোঁ। তেওঁক সদায় মই ককায়েকৰ দৰে ভাবি আহিছো।'' ঈষা দেওলে এক সাক্ষাৎকাৰত মাতৃ হেমাই অভিষেক বচ্চনৰ দৰে জোঁৱাই বিচাৰিছিল বুলি প্ৰকাশ কৰিছিল। ঈষাই কয় যে ''মোৰ মা সঁচাই বৰ মৰমীয়াল। মোৰ বিয়াৰ সময়ত তেওঁ অভিষেকৰ কথা ভাবিছিল কাৰণ তেওঁ সেই মুহূৰ্তত আটাইতকৈ যোগ্য অবিবাহিত যুৱক আছিল। মোৰ মায়ে বিচাৰিছিল যে মই যাতে এজন ভাল ব্যক্তিৰ সৈতে জীৱনটো কটাব পাৰোঁ। তেওঁ অভিষেক বচ্চনক শ্ৰেষ্ঠ হিচাপে পছন্দ কৰিছিল কিন্তু মই অভিষেক বচ্চনক বিয়া কৰাব নিবিচাৰিলোঁ কাৰণ তেওঁক মই দাদাৰ দৰেহে ভাবোঁ।'' কেৱল অভিষেকেই নহয় জোঁৱাই হিচাপে হেমা মালিনীয়ে বিবেক অবেৰয়কো পচন্দ কৰিছিল। সেই সন্দৰ্ভত ঈষাই কয় যে ''মই বিবেকৰ সৈতে বিয়া হোৱাৰ কথা ভাবিবই নোৱাৰো কাৰণ বিবেক মোৰ ধৰণৰ একেবাৰে নহয়৷'' হেমা মালিনীয়ে যদিও বলীউড ইণ্ডাষ্ট্ৰীৰ পৰা জোঁৱাই পাব বিচাৰিছিল কিন্তু সেই আশা পূৰণ নহ'ল।ঈষাই এজন বিখ্যাত ব্যৱসায়ীৰ সৈতে বিবাহপাশত আৱদ্ধ হৈছিল৷ তেওঁ ২০১২ চনত ভাৰত তখতানিৰ সৈতে বিয়াত বহিছিল৷ স্কুলৰ পৰাই দুয়োজনে ইজনে সিজনক চিনি পাইছিল৷ ঈষা দেউলে বলীউডত আত্মপ্ৰকাশ কৰাৰ পাছৰে পৰা ভাৰত তখতানীৰ সৈতে ডেট কৰা আৰম্ভ কৰিছিল৷ দুয়োৰে বৰ্তমান ৰাধ্যা আৰু মিৰায়া নামৰ দুটি কন্যা সন্তান আছে। আৰু পঢ়কঃ মংগলৰ অমংগল সংকেত! ধনু ৰাশিত মংগল গ্ৰহ প্ৰৱেশ কৰাত এই ৫ ৰাশিত পৰিব অশুভ প্ৰভাৱ