ডিজিটেল ডেস্ক: চাকিৰ পোহৰত উদ্ভাসিত হৈ পৰিল অযোধ্যাৰ আকাশ৷ যোগী আদিত্যনাথ চৰকাৰে আয়োজন কৰা ‘দীপোৎসৱ’ প্ৰত্যক্ষ কৰিলে ৫৪খন দেশৰ ৮৮জন ৰাষ্ট্ৰদূতে৷ মুখ্যমন্ত্ৰী আদিত্যনাথে দেওবাৰে সদৰী কৰে এই তথ্য৷
বিশাল দীপোৎসৱ সন্দৰ্ভত সংবাদ মাধ্যমৰে আছুতীয়া আলাপত মুখ্যমন্ত্ৰী যোগীয়ে কয়, দেশ আৰু বিশ্বই অযোধ্যাৰ দীপোৎসৱ প্ৰত্যক্ষ কৰিছে। ৫৪খন দেশৰ কূটনীতিবিদ আহি নতুন অযোধ্যা ভ্ৰমণ কৰিছে। বিশাল ‘দীপোৎসৱ’ প্ৰধানমন্ত্ৰী মোদীৰ দৃষ্টিভংগীৰ অংশ আছিল। দীপাৱলী উৎসৱ আমাৰ সকলোৰে বাবে ইতিবাচক শক্তি আহৰণৰ এক মাধ্যম। মই সকলোকে দীপাৱলীৰ শুভেচ্ছা জনাইছোঁ আৰু ৰাজ্যখনৰ জনসাধাৰণৰ কল্যাণৰ বাবে প্ৰাৰ্থনা জনাইছোঁ৷
মুখ্যমন্ত্ৰীগৰাকীয়ে লগতে কয় যে যিসকল অনুষ্ঠানত উপস্থিত নাছিল তেওঁলোকে উল্লেখ কৰিছিল যে তেওঁলোকে উৎসৱৰ দিনা পবিত্ৰ চহৰলৈ অহাৰ সুযোগ হেৰুৱাইছিল।
মুখ্যমন্ত্ৰী যোগীয়ে দেওবাৰে পুৱা হনুমান গড়ী মন্দিৰ দৰ্শন কৰে আৰু দীপাৱলীৰ উপলক্ষে অযোধ্যাৰ ভগৱান হনুমানক প্ৰাৰ্থনা কৰে। তেওঁ অযোধ্যাৰ ৰামলালা বিৰাজমানৰ স্থান পৰিদৰ্শন কৰে আৰু প্ৰাৰ্থনা কৰে।
উল্লেখ্য যে অযোধ্যাত শনিবাৰে এক বিশাল দীপোৎসৱৰ আয়োজন কৰা হৈছিল আৰু পোহৰৰ উৎসৱ উদযাপন কৰিবলৈ ২২.২৩ লাখতকৈও অধিক মাটিৰ চাকি প্ৰজ্জ্বলন কৰা হৈছিল৷
Continue Reading
