ডিজিটেল ডেস্ক : পাৰিবাৰিক সংঘাতৰ কৰুণ পৰিণতি৷ পাৰিবাৰিক সমস্যাৰ বাবে আত্মহত্যাৰ দৰে পথ বাচি ল'লে এগৰাকী প্ৰযুক্তিবিদে ৷ হায়দৰাবাদৰ সনাথ নগৰত সংঘটিত হয় এই ঘটনা৷ শইক জামিল নামৰ এগৰাকী প্ৰযুক্তিবিদে ঘৰতে আত্মহত্যা কৰা ঘটনাই সৰ্বত্ৰে সৃষ্টি হৈছে প্ৰতিক্ৰিয়াৰ৷
সনাথ নগৰৰ আল্লাপুৰৰ বাসিন্দা জামিলে ২০২০ চনৰ অক্টোবৰত অন্ধ্ৰপ্ৰদেশৰ কৃষ্ণা জিলাৰ নুজভিদৰ চোহাইলা খানুৰ সৈতে বিবাহপাশত আৱদ্ধ হৈছিল। বিয়াৰ কেইদিনমানৰ পাছতেই দম্পতীহালৰ মাজত আৰম্ভ হৈছিল মতভেদৰ। ইপিনে ছয়মাহ পূৰ্বৰে পৰাই চোহাইলাই জামিলক এৰি পিতৃ-মাতৃৰ সৈতে থাকিবলৈ আৰম্ভ কৰিছিল। শেহতীয়াকৈ জামিল আৰু তেওঁৰ পিতৃ-মাতৃৰ বিৰুদ্ধে স্থানীয় আৰক্ষী চকীত এটা অভিযোগ দাখিল কৰিছিল, যাৰ ফলত জামিলৰ পৰিয়ালক গ্ৰেপ্তাৰ কৰা হৈছিল আৰু কাৰাগাৰত বন্দী কৰা হৈছিল। কেইদিনমান আগতে তেওঁলোক জামিনত ওলাই আহিছিল।
তেতিয়াৰে পৰাই জামিল যথেষ্ট হতাশাত ভুগিছিল বুলি পৰিয়ালৰ লোকে অভিযোগ উত্থাপন কৰিছে৷ ঘটনাটোক কেন্দ্ৰ কৰি পৰিয়ালটোৱে সহিবলগীয়া হৈছিল বহু মানসিক নিৰ্যাতনো৷ শনিবাৰে নিশা পৰিয়ালৰ সকলো সদস্য ঘৰৰ প্ৰথম মহলাত কামত ব্যস্ত আছিল৷ ব্যস্ততাৰ সুযোগ লৈ জামিল তলৰ মহলালৈ নামি আহিছিল বুলি জানিবলৈ পোৱা গৈছে৷ পাছত তেওঁৰ পৰিয়ালৰ সদস্যসকলে তেওঁক ওলমি থকা দেখিছিল। পৰিয়ালৰ অভিযোগ অনুসৰি জামিলে তেওঁৰ পত্নীৰ দ্বাৰা নিৰ্যাতনৰ বাবে চৰম পদক্ষেপ গ্ৰহণ কৰিছিল৷
Continue Reading
