পাকঘৰত উপলব্ধ সাধাৰণ বস্তুৱে আপোনাৰ কলেষ্টেৰ’ল হ্ৰাস কৰাত সহায় কৰিব পাৰে! জানো আহক কি কি?

ডিজিটেল ডেস্ক: বৰ্তমান সময়ত কলেষ্টেৰ’ল নিয়ন্ত্ৰণ কৰাটো অত্যন্তই প্ৰয়োজনীয়। কলেষ্টেৰ’ল হ্ৰাস কৰাটো কঠিন কাম নহয়। যদিও পাকঘৰত উপলব্ধ সামান্য বস্তুৱে হ্ৰাস কৰিব পাৰে আপোনাৰ কলেষ্টেৰ’ল৷ কলেষ্টেৰ’লৰ ফলত একাধিক সমস্যাৰ সৃষ্টি হয়। যেতিয়া শৰীৰত বেয়া কলেষ্টেৰ’ল বৃদ্ধি হয়, তেতিয়া মাৰাত্মক ৰোগে দেখা দিয়ে৷ যেনে, হৃদযন্ত্ৰৰ বিফলতা, সকলো সময়তে ভাগৰ, অতিৰিক্ত ওজনসহ বহুতো জটিলতাই দেখা দিয়ে। শৰীৰত কলেষ্টেৰ’ল সন্তুলিত কৰাটো প্ৰয়োজনীয়। এইটো এটা কঠিন কাম নহয়। ইয়াৰ ঔষধ আপোনাৰ পাকঘৰতেই লুকুৱাই আছে। সেইবোৰ হৈছে- আদা: আদা হৈছে জৈৱ সক্ৰিয় উপাদান সমৃদ্ধ। ফলস্বৰূপে, আদাই শৰীৰত বেয়া কলেষ্টেৰ’ল হ্ৰাস কৰাত সহায় কৰে। সেয়েহে, চৰ্দি হ্ৰাস কৰাৰ লগতে, আদাৰ ৰসে ক্ষীণ হোৱাত সহায় কৰে। ডালচিনি: এই উপাদান বিধ শৰীৰৰ বাবে বিশেষ উপযোগী৷ ডালচেনিয়ে ৰক্ত শৰ্কৰাৰ স্তৰ নিয়ন্ত্ৰণ কৰাৰ লগতে ৰক্তচাপ আৰু বেয়া কলেষ্টেৰ’ল হ্ৰাস কৰে। হালধি : হালধিৰ উপকাৰিতাৰ বিষয়ে হয়টো লিখি শেস কৰিব নোৱাৰি৷ কেঁচা হালধিৰ কাৰকিউমিনে শৰীৰত তেজৰ প্ৰবাহ ৰাখে৷ হালধিৰ প্ৰদাহ-প্ৰতিৰোধী উপাদানে তেজত কলেষ্টেৰ’লৰ স্তৰ নিয়ন্ত্ৰণ কৰে৷ আৰু সৌন্দৰ্য বৰ্ধনতো সহায়ক হয়৷ ফ্লেক্সচিড: আমি বহুতেই ফ্লেক্সডিডৰ উপকাৰিতাৰ বিষয়ে অৱগত নহয়৷ ফ্লেক্সচিডত যথেষ্ট পৰিমাণে অমেগা ৩ ফেটি এচিড থাকে। ফলস্বৰূপে তেজত বেয়া কলেষ্টেৰ’লৰ স্তৰ বৃদ্ধি নহয়। আনহাতে, ভাল কলেষ্টৰে’ল বৃদ্ধি হয়। নহৰু : নহৰু শৰীৰ পক্ষে উপকাৰী৷ প্ৰতিদিনে দুইৰ পৰা চাৰি টুকুৰ নহৰু খালে নানান ৰোগৰ পৰা উপশম পোৱা সামগ্ৰিক কলেষ্টেৰ’লৰ স্তৰ নিয়ন্ত্ৰণ কৰা হয়। লং: লং আমাৰ পাকঘৰৰ অতি সাধাৰণ উপাদান৷ গৃহিণীসকলে লং ব্যৱহাৰ কৰি খাদ্য সুস্বাদু বৃদ্ধি কৰিব পাৰে৷ আপুনি প্ৰতিদিনে খালী পেটত লং খাব পাৰে। ফলস্বৰূপে, ৰক্তচাপ আৰু কলেষ্টেৰ’ল দুয়োটা নিয়ন্ত্ৰণ কৰাত সহায়ক হয়। তুলসী : তুলসীপাতৰ ভেঁকুৰ-প্ৰতিৰোধী আৰু বেক্টেৰিয়া-প্ৰতিৰোধী গুণ থাকে৷ দৈনিক তুলসী পাত খালে শৰীৰৰ পৰা বিষাক্ত পদাৰ্থ আঁতৰ হয়৷ তুলসী পাতত থকা ইউজেনল তেলে উচ্চ ৰক্তচাপ নিয়ন্ত্ৰণ কৰে৷