ডিজিটেল ডেস্ক: পাকিস্তানত প্ৰায়েই আশ্চৰ্যজনক ঘটনা ঘটি থাকে। দেওবাৰে এজন মুখ্যমন্ত্ৰীক অপহৰণ কৰা বুলি অভিযোগ উত্থাপন হয়, যাৰ বাবে ৰাজধানী ইছলামবাদত উত্তপ্ত পৰিস্থিতিৰ সৃষ্টি হৈছে। প্রাক্তন প্রধানমন্ত্রী ইমৰাণ খানৰ দল পিটিআইয়ে চৰকাৰক অপহৰণ কৰাৰ অভিযোগ উত্থাপন কৰি ভাবুকি দিছে যে যদি তেওঁক ২৪ ঘণ্টাৰ ভিতৰত বিচাৰি নাপায় তেন্তে তেওঁলোকে বিহিত ব্যৱস্থা গ্ৰহন কৰিব৷
এক প্ৰতিবেদন অনুসৰি পিটিআই নেতা আছাদ কাইছাৰে কয় যে ‘ইছলামবাগৰ কেপি হাউছৰ পৰা খাইবাৰ পাখতুনখোৱাৰ মুখ্যমন্ত্ৰী আলী আমিন গণ্ডাপুৰক অপহৰণ কৰা হৈছে। চৰকাৰে তেওঁলোকৰ বিষয়ে কোনো তথ্য দিয়া নাই। তেওঁলোকৰ সৈতে যোগাযোগ কৰিব পৰা নাই। ফোনটো চুইচ অফ হৈ আছে। তেওঁৰ বিষয়ে কোনেও একো নাজানে।’ আছাদ কৌছাৰে সকীয়াই দিয়ে যে ‘যদিহে তেওঁক ২৪ ঘন্টাৰ ভিতৰত উভতাই নিদিয়ে তেন্তে তেওঁৰ দলে দেশজুৰি প্ৰতিবাদ সাব্যস্ত কৰিব।’
আচলতে শনিবাৰে ইছলামবাদত উপস্থিত হয় বৃহৎ সংখ্যক প্ৰতিবাদকাৰী। ইমৰাণ খানক মুক্তিৰ দাবীত বিক্ষোভ প্ৰদৰ্শন কৰিব বিচাৰিছিল প্ৰতিবাদকাৰীসকলে । এই বিক্ষোভত মুখ্যমন্ত্ৰীও জড়িত আছিল। ইয়াৰ পাছতে মুখ্যমন্ত্রীগৰাকীয়ে ইছলামবাগত দলৰ কর্মীসকলক এৰি কে পি হাউচলৈ যায়, য’ৰ পৰা তেওঁ নিৰুদ্দেশ হয়৷ প্ৰথমে সংবাদ মাধ্যমত প্ৰচাৰ হয় যে তেওঁক গ্ৰেপ্তাৰ কৰা হৈছে। কিন্তু পৰৱৰ্তী সময়ত চৰকাৰৰ সৈতে জড়িত সূত্ৰই এই গ্ৰেপ্তাৰ অস্বীকাৰ কৰে। গৃহমন্ত্ৰী মহছিন নাকৱীয়ে কয় যে ‘তেওঁ আৰক্ষীৰ জিম্মাত নাই আৰু আন কোনো প্ৰতিষ্ঠানৰ জিম্মাত নাই। সম্ভৱ যে তেওঁ হয়তো ঘৰৰ পৰা পলাই গৈছে।’
Continue Reading
