পাকিস্তানৰ সেনা ঘাটীত প্ৰচণ্ড বিস্ফোৰণ, অস্ত্ৰভাণ্ডাৰত জুই!

ডিজিটেল ডেস্ক : পাকিস্তানৰ এটা সেনা ঘাটীত প্ৰচণ্ড বিস্ফোৰণ সংঘটিত হৈছে। শিয়ালকোট চহৰৰ সেনা ঘাটীটোত আজি অকস্মাৎ এই বিস্ফোৰণ সংঘটিত হয়। আজি পুৱাৰ ভাগতে এই প্ৰচণ্ড বিস্ফোৰণৰ ঘটনা সংঘটিত হোৱা বুলি সংবাদ মাধ্যমত প্ৰকাশ পাইছে। এই বিস্ফোৰণৰ পাছত ভয়ংকৰ অগ্নিকাণ্ডৰ সূত্ৰপাত হয় ঘাটীটোত। এই বিস্ফোৰণৰ ফলত সেনা ঘাটীটোৰ অস্ত্ৰাগাৰত জুই লগাৰো আশংকা কৰা হৈছে। খবৰ অনুসৰি দেওবাৰে পঞ্জাৱ প্ৰদেশৰ সেনানিবাসৰ ওচৰত বিস্ফোৰণটো সংঘটিত হৈছিল। বিস্ফোৰণটো শিয়ালকোটৰ সেনা ঘাটীত এটা মিছাইলৰ আঘাতৰ ফলত এই বিস্ফোৰণ হোৱা বুলি ধাৰণা কৰা হৈছে। গোলাবাৰুদৰে ভৰ্তি এই সেনা ঘাটীটোত এতিয়া বৃহৎ অগ্নিকাণ্ডৰ আশংকা কৰা হৈছে। স্থানীয় লোকসকলে প্ৰকাশ কৰা মতে অস্ত্ৰাগাৰত জুই লগা দেখিবলৈ পোৱা গৈছে আৰু এই অগ্নিকাণ্ডই ব্যাপক ৰূপ লোৱাৰ আশংকা কৰা হৈছে। পাকিস্তানৰ এগৰাকী স্থানীয় সাংবাদিক ঋষি সুৰীয়ে টুইটযোগে বিস্ফোৰণৰ খবৰ প্ৰকাশ কৰিছে। অৱশ্যে, বিস্ফোৰণৰ প্ৰকৃত কাৰণ এতিয়াও জানিব পৰা হোৱা নাই। ইয়াৰ উপৰি, এতিয়ালৈকে ক্ষ-ক্ষতিৰ বিতং খবৰ পোৱা হোৱা নাই।