ডিজিটেল ডেস্কঃ ভয়াৱহ আক্ৰমণৰ তিনিদিনৰ পিছত পুনৰ ৰক্তাক্ত হ’ল পাকিস্তান। শুক্ৰবাৰে খাইবাৰ পাখতুনত এক আত্মঘাতী আক্ৰমণত দুজন আৰক্ষী নিহত হয় । এই ঘটনাত কেইবাজনো লোক আহত হয়। আক্ৰমণৰ ঘটনাৰ পিছতে জেহাদীসকলক বিচাৰি উলিয়াবলৈ বৃহৎ অভিযান আৰম্ভ কৰা হৈছে।
পাকিস্তানী বাতৰি কাকত ডনৰ মতে, সন্ত্ৰাসবাদীয়ে খাইবাৰ পাখতুনৰ টংক জিলাৰ আৰক্ষীৰ মুখ্য কাৰ্যালয়ত আক্ৰমণ কৰে। টংকৰ আৰক্ষী বিষয়া ইফতিখাৰ শ্বাহে কয়, "এজন ফিদায়েইন সন্ত্ৰাসবাদীয়ে এই আক্ৰমণৰ পৰিকল্পনা কৰি তালৈ আছিল। কিন্তু এই পৰিকল্পনা বিফল হয় । জেহাদীসকলক বিচাৰি উলিওৱাৰ বাবে অভিযান আৰম্ভ কৰা হৈছে।’’ আনছাৰুল জিহাদে এই আক্ৰমণৰ দায়িত্ব স্বীকাৰ কৰিছে।
মঙলবাৰে সন্ত্ৰকাসবাদীৰ এটা দলে খাইবাৰ পাখতুনৰ ডেৰা ইছমাইল খান চহৰৰ এটা আৰক্ষী চকী আৰু এটা সেনা ঘাটিত আক্ৰমণ কৰিছিল। আক্ৰমণত কমেও ২০ জন লোক নিহত হৈছিল।
Continue Reading
