ডিজিটেল ডেস্কঃ বছৰটোৰ শেষত পুনৰ ত্ৰাসৰ সৃষ্টি কৰিছে কোভিডে। কৰোনা ভাইৰাছে পুনৰ ৰঙা চকু দেখুৱাওৱাৰ পৰিপ্ৰেক্ষিততে দক্ষিণ-পূব এছিয়াৰ কেইবাখনো দেশে মাৰাত্মক ভাইৰাছবিধ প্ৰতিৰোধ কৰিবলৈ নতুন নিষেধাজ্ঞা আৰোপ কৰাৰ সিদ্ধান্ত লৈছে। চিংগাপুৰ আৰু ইণ্ডোনেছিয়াৰ বিমানবন্দৰত অৱতৰণ কৰা যাত্ৰীসকলৰ বাবে মুখা এতিয়া বাধ্যতামূলক কৰা হৈছে।
যাত্ৰীসকলক দক্ষিণ-পূব এছিয়াৰ দেশসমূহৰ বিমানবন্দৰ দুটাত মুখা পিন্ধিবলৈ কোৱা হৈছে । বিমানবন্দৰত যাত্ৰীসকলৰ শৰীৰৰ তাপমাত্ৰাও জোখা হৈছে। স্থানীয় প্ৰশাসনৰ সূত্ৰই প্ৰকাশ কৰা অনুসৰি বহু যাত্ৰীয়ে ফ্লু, নিউমোনিয়াৰ দৰে লক্ষণ দেখুৱাইছে।
২০২০ চনত সমগ্ৰ বিশ্বতে কোভিড-১৯ ব্যাপকভাৱে বিয়পি পৰিছিল। এই ভাইৰাছত আক্ৰান্ত হৈ লাখ লাখ লোকে প্ৰাণ হেৰুৱাইছিল। ২০২২ চনৰ শেষলৈ কোভিড সংক্ৰমণৰ ঘটনা ক্ৰমান্বয়ে হ্ৰাস পায়। কিন্তু বিশ্ব স্বাস্থ্য সংস্থাই কৈছে যে কৰোনাই সম্পূৰ্ণৰূপে বিদায় লোৱা নাই। কোভিড বাৰে বাৰে ঘূৰি আহিব বুলিও কোৱা হৈছে। সাধাৰণ জ্বৰ, চৰ্দি, কাহৰ দৰে, কৰোনায়ো শৰীৰত সহজে খোপনি পুতিব পাৰে। শেহতীয়াকৈ ছিংগাপুৰ আৰু ইণ্ডোনেছিয়াত কোভিড কিয় বৃদ্ধি পাইছে? ছিংগাপুৰৰ স্বাস্থ্য মন্ত্ৰালয়ৰ মতে, বছৰটোৰ শেষত বিভিন্ন দেশৰ বহু পৰ্যটক দেশখন ভ্ৰমণ কৰিবলৈ আহে। কোভিড বৃদ্ধিৰ এয়াই এটা ডাঙৰ কাৰণ।
ইফালে, যোৱা এসপ্তাহত মালয়েছিয়াত কৰোনা ৰোগীৰ সংখ্যা প্ৰায় দুগুণ হৈছে। যোৱা সপ্তাহত, ৩,৬২৬ টা কোভিড সংক্ৰমণৰ ঘটনা ধৰা পৰিছে। এই সংখ্যা পৰৱৰ্তী সাত দিনত ৬,৭৯৬ লৈ বৃদ্ধি পাইছে। ফলস্বৰূপে, প্ৰশাসনে এতিয়াৰে পৰা সতৰ্ক হৈ পৰিছে।
Continue Reading
