ডিজিটেল ডেস্ক: পাকিস্তানৰ প্ৰাক্তন ক্ৰিকেটাৰ দানিশ কানেৰিয়াই গৰ্বা উদযাপনত অংশগ্ৰহণ কৰিছে আৰু সকলোকে নৱৰাত্ৰিৰ শুভেচ্ছা জনাইছে।
ধৰ্মীয় অসহিষ্ণুতা আৰু দ্বিদেশীয় সংঘাতৰ বিপৰীতে কানেৰিয়াৰ এই পদক্ষেপে লাভ কৰিছে অন্য এক চৰ্চা৷ পাকিস্তানৰ এসময়ৰ লেগ স্পিনাৰ দানিশ কানেৰিয়াই কয় যে মই সকলোৰে কল্যাণৰ বাবে মা জগদাম্বেৰ ওচৰত প্ৰাৰ্থনা জনাইছোঁ।
দানিশ কানেৰিয়াৰ গৰ্বা উদযাপনৰ ভিডিঅ’ এতিয়া ছ’চিয়েল মিডিয়াত ভাইৰেল হৈ পৰিছে৷ অৱশ্যে এয়া আচৰিত হ’বলগীয়াও নহয় যে পাকিস্তানৰ প্ৰাক্তন ক্ৰিকেটাৰ কানেৰিয়াই হিন্দু ধৰ্মীয় উৎসৱ উদযাপন কৰিছে। তেওঁ এজন হিন্দু আৰু সদায় ইয়াৰ বিষয়ে সৰব হৈয়েই আহিছে।
কানেৰিয়াই ভাৰতক বাৰে বাৰে সমৰ্থন কৰাৰ বাবে অনুৰাগীসকলৰ সমালোচনাৰো সন্মুখীন হৈছে। পাকিস্তানৰ প্ৰাক্তন স্পিনাৰ দানিশ কানেৰিয়াই দুৰ্গা পূজাৰ অষ্টমীৰ দিনটোত প্ৰাৰ্থনা কৰিছে। দানিশ কানেৰিয়া পাকিস্তানত বাস কৰে যদিও তেওঁ এজন হিন্দু। তেওঁ পাকিস্তানত বাস কৰিলেও হিন্দু ধৰ্মৰ উপাসনা কৰে৷ পাকিস্তানত বাস কৰাৰ সময়তো দানিশ কানেৰিয়াই সকলো হিন্দু উৎসৱ উদযাপন কৰে।
এয়া দুৰ্গা পূজাৰ সময় আৰু অষ্টমীৰ দিনটোত পাকিস্তানৰ প্ৰাক্তন ক্ৰিকেটাৰগৰাকীয়ে দুৰ্গা পূজা উদযাপন কৰিছে৷
পাকিস্তানত বাস কৰি থকা সময়ত দানিশে দুৰ্গা পূজাৰ অষ্টমীত পূজা কৰিছিল আৰু ইয়াৰ এখন ফটো ছ’চিয়েল মিডিয়াত শ্বেয়াৰ কৰিছিল৷
ভাৰতৰ হিন্দু ৰাইজে দানিশ কানেৰিয়াক দুৰ্গা পূজাৰ শুভেচ্ছা জনাইছে৷ তেওঁ পাকিস্তানত থাকোতে হিন্দু উৎসৱ উদযাপন কৰিবলৈ সাহসী হৈ, হিন্দু ধৰ্মক লৈ গৌৰৱান্বিত হোৱাৰ কথা কৈছে। একে সময়তে, আন এটা দিশ আছে য'ত পাকিস্তানত বাস কৰা কিছুমান লোকে দানিশ কানেৰিয়াক সমালোচনা কৰিছে।
Continue Reading
