‘পাপা কুছ নেহী খাতে, চিৰ্ফ কাম কাম কাম’: পিতৃৰ বাবে কণমানিৰ চিন্তাই বিমুগ্ধ কৰিলে সহস্ৰজনক

ডিজিটেল ডেস্ক: এগৰাকী কণমানি পিতৃক লৈ চিন্তিত হোৱা এটি ভিডিঅ’ই হৃদয় গলাইছে সহস্ৰাধিকৰ৷ কণমানিজনীৰ পিতৃয়ে কাম ৰ বাবে আহাৰ গ্ৰহণ নকৰাকৈ গুছি যোৱাৰ ঘটনা ছ’চিয়েল মিডিয়াত ভাইৰেল হৈ পৰিছিল। ক্লিপটোত কণমানিজনীয়ে কোৱা শুনা গৈছিল যে, ‘মুঝে হ্যে না পাপা কি য়াদ আতি হ্যে। ব্য না জব দুকান পে জাতে হ্যে শাম তক খানা নেহী খাতা হ্যে। ভুখকে কে ভুখকে কাম কৰতে হ্যে। কুছ ভি নেহী খাতে পিতে। কুছ ভি নেহী খাতে। চিৰ্ফ কাম কাম। (মই পাপাক মনত পেলাইছো। তেওঁ কামত থাকোঁতে খাদ্য নাখায়। তেওঁ খালী পেটেৰে কাম কৰে। তেওঁ একো নাখায়।)' কণমানিজনীয়ে ভিডিঅ’টোত কৈছিল যে, 'মই পাপাক লৈ চিন্তিত। তেওঁ নিশা নোখোৱাকৈ গুচি যায়। যদি মই তেওঁৰ বিষয়ে চিন্তা নকৰো, কোনে কৰিব? প্ৰতিটো শিশুৱে দেউতাকৰ বিষয়ে চিন্তা কৰে।’ ভিডিঅ’টোত কণমানিজনীৰ মাতৃয়ে বুজাবলৈ চেষ্টা কৰিছিল যে, ‘তেওঁৰ দেউতাকে ঘৰলৈ উভতি অহাৰ পাছত খাব কিয়নো এজন গ্ৰাহকক লগ পোৱাটো তেওঁৰ বাবে গুৰুত্বপূৰ্ণ আছিল।’ কণমানিজনীয়ে মাকৰ উত্তৰত তেতিয়া কয় যে, ‘তেতিয়া হ’লে মা, তেওঁ খোৱাৰ পাছত গুচি যাব পাৰে। মানুহেটো ভাত খাবই লাগিব৷ সেয়েহে মোৰ দেউতাইও খাব লাগে। তেওঁ খালী পেট লৈ যাব নালাগে।’ ভিডিঅ'টোত দেখা গৈছে যে, মাতৃয়ে বাৰম্বাৰ কণমানিজনীক বুজাবলৈ চেষ্টা কৰিছিল৷ কিন্তু প্ৰত্যুত্তৰত ক’বলৈ ধৰিলে যে, ‘মোৰ তেওঁৰ বিষয়ে বহুত চিন্তা হয়। মই কি কৰিম ?’