ডিজিটেল ডেস্কঃ 'পঞ্চায়ত' ছিজন-২ৰ ব্যাপক সফলতাৰ পাছত এইবাৰ অভিনেতা জিতেন্দ্ৰ কুমাৰ সাজু যাদুকৰৰ ৰূপত। হয়, এইবাৰ অভিনেতাজনক দেখিবলৈ পোৱা যাব OTT প্লেটফৰ্ম নেটফ্লিক্সত। নতুন ছবি ‘মেজিচিয়ান’ৰ সৌজন্যত দেইখবলৈ পোৱা যাব জনপ্ৰিয় অভিনেতাগৰাকীক। ক’মেডী-নাটক-ৰোমাঞ্চ আৰু ক্ৰীড়াৰে মঙলবাৰে প্ৰকাশ পাইছে ছবিখনৰ ট্ৰেইলাৰ। ট্ৰেইলাৰতে ধৰা পৰিল প্ৰেমৰ মহিমা কিমান?
পিছে ফুটবলৰ প্ৰতি বিন্দুমাত্ৰও উৎসাহ নাই মিনুৰ। যাদু দেখুওৱাটোৱেই তেওঁৰ ধ্যান আৰু জ্ঞান। কিন্তু তেওঁক ভালপোৱা মানুহখিনিৰ বাবে ফুটবল খেল এখনত জয়ী হ’ব লাগিব জিতেন্দ্ৰ ওৰফে মিনুই৷ এই ছবিখনত জিতেন্দ্ৰৰ নায়িকা হিচাপে আয়ুশী শৰ্মা আৰু ফুটবল প্ৰশিক্ষক হিচাপে জাভেদ জাফ্ৰিকক দেখা গৈছে।
‘পাৰ্ট টাইম লাভাৰ, ফুল টাইম মেজিচিয়ান’ বুলিয়ে প্ৰথমে পৰিচয় দিয়ে মিনু ওৰফে ‘মেজিচিয়ান’ মিনুই। ফুটবলপ্ৰেমী চহৰ নীমাচৰ বাসিন্দা তেওঁ। দলটোৰ আন সদস্যসকলো নিজৰ কামত ব্যস্ত । ফুটবল তেওঁলোকৰ বাবে ছেকণ্ডাৰী বিষয়। প্ৰশিক্ষক জাভেদ জাফ্ৰিৰ প্ৰচেষ্টা ফুটবল মেচত জয়ী হ’ব নে মিনুৰ দলটোৱে?
পিছে সলনি হৈ যায় ছবিৰ প্ৰেক্ষাপট। এগৰাকী ডাক্তৰৰ প্ৰেমত পৰে মিনুই। ডাক্টৰৰ ভূমিকাত আছে আয়ুশী। তেওঁক বিয়া কৰাবলৈ হ’লে মিনুৱে নিজৰ দলটোক আন্তঃকলনী প্ৰতিযোগিতাৰ ফাইনেললৈ লৈ যাব লাগিব। আনহাতে, জাভেদ জাফ্ৰিয়ে মিনুক দলৰ পৰা বহিষ্কাৰ কৰে। মনৰ মানুহগৰাকীক পাবলৈ কিদৰে যাদুকৰ মিনু হৈ পৰিব এগৰাকী ফুটবলাৰ? সেই প্ৰেক্ষাপটে ধৰা পৰিব ছবিখনত।
'যাদুকৰ' ছবিখনৰ পৰিচালনাৰ দায়িত্বত আছে সমীৰ ছাক্সেনা। ১৫ জুলাইৰ পৰা নেটফ্লিক্সত ষ্ট্ৰীমিং আৰম্ভ হ’ব ছবিখনৰ।
Continue Reading
