পাৰ্টীত মদ বুলি খালে এচিড! ৩ জনৰ মৃত্যু,৭ জনৰ অৱস্থা সংকটজনক

ডিজিটেল ডেস্কঃ আহি আছে নৱবৰ্ষ। নৱবৰ্ষ আদৰাৰ নামত আনন্দত মতলীয়া হৈছে একাংশ। ত্ৰিপুৰাৰ ধলাই জিলাত সংঘটিত হৈছে এক অঘটন। সুৰা বুলি এচিড পান কৰি মৃত্যুমুখত পৰিল ৩জনকৈ লোক। ৭ জনৰ অৱস্থা সংকটজনক। নৱবৰ্ষক আদৰাৰ নামত লোককেইজনে প্ৰথমে অতিপাত সুৰা পান কৰে। সুৰাৰ ৰাগীত মতলীয়া হৈ তেওঁলোকে সুৰা আৰু এচিড চিনি নোপোৱা হয়। ইয়াৰ ফলত সুৰা বুলি এচিডকে পান কৰে তেওঁলোকে। এই ঘটনা সংঘটিত হোৱাৰ পাছতে আটাইকেইজনকে চিকিৎসালয়ত ভৰ্তি কৰা হৈছিল যদিও চিকিৎসকে তিনিজনক মৃত ঘোষণা কৰে। বাকী কেইজন লোক চিকিৎসাধীন হৈ আছে।

এচিড খাই মৃত্যুমুখত পৰা ৩জন লোক হৈছে শচীন্দ্ৰ ৰিয়াং (২২) অধিকাৰ ৰিয়াং (৪০) আৰু ভাবিৰাম ৰিয়াং (৩৮)। উল্লেখযোগ্য যে কাঞ্চনচাৰা নামৰ অঞ্চলটোত প্ৰী নিউ য়েৰ চেলিব্ৰেচন হিচাপে এটা পাৰ্টিৰ আয়োজন কৰা হৈছিল য'ত মৃত ব্যক্তিসহ দহজন লোকে যোগদান কৰিছিল।

পাৰ্টিত অত্যধিক সুৰা পান কৰাৰ পাছত আটাইকেইজনে ভুলবশতঃ এচিড পান কৰিছিল। তেওঁলোক নিচাগ্ৰস্ত অৱস্থাত আছিল আৰু মদ, এচিডৰ মাজৰ পাৰ্থক্যটো ধৰিব পৰা নাছিল বুলি আৰক্ষীয়ে সদৰী কৰে।নিচাসক্ত হৈ সুৰা বুলি এচিডকে পান কৰাৰ এই ঘটনাই এতিয়া তীব্ৰ চাঞ্চল্যৰ সৃষ্টি কৰিছে সমগ্ৰ ত্ৰিপুৰাত।

আৰু পঢ়কঃ ছুপাৰ ডুপাৰ হিট ‘পুষ্পা’! পৰ্দাৰ আঁৰত থকা প্ৰতিজনকে ১ লাখ টকাৰ পুৰস্কাৰ