ডিজিটেল ডেস্কঃ লেপটপ আমাৰ জীৱনৰ এক গুৰুত্বপূৰ্ণ অংগ হৈ পৰিছে। লেপটপ ব্যৱহাৰৰ সঠিক উপায় হ’ল সঠিক উচ্চতাত টেবুল এখনত ৰাখি চকীখনত সঠিক অৱস্থাত বহি চলাব লাগে। কিন্তু যোৱা কেইবছৰমানৰ পৰা Work From Home সংস্কৃতি বহুত বাঢ়িছে, গতিকে বহু কৰ্মচাৰীয়ে বিচনাত পেট পেলাই লেপটপত কাম কৰি থাকে। কিন্তু এই কামে স্বাস্থ্যৰ বাবে বহু সমস্যাৰ সৃষ্টি কৰিব পাৰে।
জানি লওক কি কি।
১.ডিঙিৰ বিষ- যদি আপুনি বহু সময় পেটত পেলাই থকা অৱস্থাত লেপটপটো ব্যৱহাৰ কৰে, তেন্তে ডিঙিৰ বিষ বাঢ়িব পাৰে। ঘণ্টাৰ পিছত ঘণ্টা এই অৱস্থাত থকাৰ বাবে পিঠিত তীব্ৰ বিষ হোৱাৰ সম্ভাৱনাও থাকে, কাৰণ মেৰুদণ্ডৰ ওপৰত যথেষ্ট চাপ পৰে। যদি আপুনি বহু বছৰ ধৰি এই কাম কৰি আহিছে, তেন্তে আপুনি Cervical Pain ৰ বলি হ’ব পাৰে। গতিকে ইচ্ছাকৃতভাৱে ডিঙি আৰু মেৰুদণ্ডৰ চাপ বৃদ্ধি নকৰিব।
২. মেৰুদণ্ডৰ সমস্যা- পেট পেলাই ঘণ্টাৰ পিছত ঘণ্টা লেপটপ চলোৱাৰ বাবে মেৰুদণ্ডত প্ৰভাৱ পৰে। ইয়াৰ কাৰণে পিঠিৰ পেশীবোৰ টানিবলৈ আৰম্ভ কৰে আৰু হাড়ৰ বিষ বাঢ়ি যায়। মেৰুদণ্ডৰ কিবা এটা হ’লে আমি প্ৰতিবন্ধী হ’ব পাৰো, গতিকে তাৰ যত্ন লোৱাটো আমাৰ দায়িত্ব।
৩. হজম শক্তিৰ সমস্যা- যদি পেট পেলাই আমি লেপটপত বহু সময় কাম কৰো, তেন্তে ই আমাৰ হজম শক্তিত প্ৰভাৱ পেলোৱাটো নিশ্চিত, কাৰণ এনে অৱস্থাৰ আমাৰ বিপাকীয় ক্ৰিয়াত বেয়া প্ৰভাৱ পৰে। ই কোষ্ঠকাঠিন্য আৰু গেছৰ কাৰণ হ’ব পাৰে, আনকি আপোনাৰ ভোকত বেয়া প্ৰভাৱ পৰাৰ সম্ভাৱনাও থাকে।
৪. চকুত বেয়া প্ৰভাৱ- পেট পেলাই লেপটপ ব্যৱহাৰ কৰিলে আমাৰ চকুত প্ৰভাৱ পৰে। ইয়াৰ বাবে চকু আৰু এই ইলেক্ট্ৰনিক গেজেটৰ মাজৰ সঠিক দূৰত্ব বজাই ৰখা নহয় আৰু তাৰ পিছত পৰ্দাৰ পোহৰে আমাৰ চকুত প্ৰভাৱ পেলাবলৈ আৰম্ভ কৰে। এনেকৈ হ’লে চকুৰ দৃষ্টিশক্তি হেৰুৱাৰ আশংকা থাকে।
Continue Reading
