পেট্ৰ’ল পাম্পত চাহ বিক্ৰী কৰিছে নেকি এইগৰাকী ক্ৰিকেটাৰে? কাৰণ জানিলে আচৰিত হ’ব আপুনি

ডিজিটেল ডেস্ক: এগৰাকী প্ৰাক্তন ক্ৰিকেটাৰ তেওঁ৷ ক্ৰিকেটৰ জৰিয়তে এখন দেশক প্ৰতিনিধিত্ব কৰিছিল তেওঁ৷ এতিয়া সেইগৰাকী ক্ৰিকেটাৰেই পেট্ৰ’ল পাম্পত তেওঁ বিতৰণ কৰে চাহ আৰু বোন৷

ক’বলৈ বিচৰা হৈছে শ্ৰীলংকাৰ প্ৰাক্তন ক্ৰিকেটাৰ ৰোশন মহানামাৰ কথা৷ শ্ৰীলংকাৰ প্ৰাক্তন ক্ৰিকেটাৰগৰাকীয়ে এতিয়া পেট্ৰ’ল পাম্পৰ শাৰীত অপেক্ষা কৰি থকা লোকসকলক চাহ আৰু বোন পৰিৱেশন কৰে। যিসময়ত শ্ৰীলংকাই খাদ্য, ইন্ধন, ঔষধৰ তীব্ৰ অভাৱৰ বিৰুদ্ধে যুঁজ দিছিল, সেই সময়ত প্ৰাক্তন ক্ৰিকেটাৰ ৰোশন মহানামাই কলম্বোৰ এটা পেট্ৰ’ল পাম্পত অপেক্ষা কৰি থকা লোকসকলক চাহ পৰিৱেশন কৰাৰ ছবি এতিয়া ভাইৰেল হৈ পৰিছে ছ’চিয়েল মিডিয়াত৷

স্বাধীনতাৰ পাছত শ্ৰীলংকাই সৰ্ববৃহৎ অৰ্থনৈতিক সংকটৰ সন্মুখীন হৈছে৷ অত্যাৱশ্যকীয় সামগ্ৰী আমদানি কৰিবলৈও দেশখনৰ এতিয়া অৰ্থ সংকট৷ ক্ৰিকেটাৰজনে টুইটাৰত টুইট কৰি লিখিছে এনেদৰে, আমি আজি সন্ধিয়া ৱাৰ্ড প্লেচ আৰু ৱিজেৰামা মাৱথাৰ চাৰিওফালে থকা পেট্ৰ’ল পাম্পৰ শাৰীত থকা লোকসকলৰ বাবে কমিউনিটি মিল শ্বেয়াৰৰ পৰা দলটোৰ সৈতে চাহ পৰিৱেশন কৰিছিলোঁ।

ক্ৰিকেটাৰজনে টুইটাৰত পোষ্ট কৰি কয়, শাৰীবোৰ দিনক দিনে দীঘল হৈ আহিছে আৰু শাৰীত থকা লোকসকলৰ বহুতৰে স্বাস্থ্যৰ বিপদাশংকা আহি পৰিছে৷

শ্ৰীলংকাই ইন্ধন কেন্দ্ৰসমূহৰ পহৰা দিবলৈ সশস্ত্ৰ আৰক্ষী আৰু সৈন্য মোতায়েন কৰিছে। চৰকাৰে দৰিদ্ৰ ৰাষ্ট্ৰখনত যাতায়ত হ্ৰাস আৰু হ্ৰাস হোৱা ইন্ধনৰ সামগ্ৰী সংৰক্ষণৰ বাবে ৰাজ্যিক প্ৰতিষ্ঠান আৰু বিদ্যালয়সমূহ দুসপ্তাহৰ বাবে বন্ধ ঘোষণা কৰিছে৷

ক্ৰিকেটাৰজনে নাগৰিকসকলক আহ্বান জনাই লিখিছে, অনুগ্ৰহ কৰি, ইন্ধনৰ শাৰীত ইজনে সিজনৰ যত্ন লওক। পৰ্যাপ্ত তৰল আৰু খাদ্য আনিব৷ এই কঠিন সময়ত আমি ইজনে সিজনৰ যত্ন ল’ব লাগিব৷