পৰিত্ৰাণৰ পথ নাই! শ্ৰীলংকাৰ সকলো চৰকাৰী কাৰ্যালয়, শিক্ষানুষ্ঠান সোমবাৰৰ পৰা বন্ধ ঘোষণা

 ডিজিটেল ডেস্কঃ  অৰ্থনৈতিকভাৱে ক্ষতিগ্ৰস্ত দ্বীপৰাষ্ট্ৰ শ্ৰীলংকাত ইন্ধনৰ সংকট গভীৰ হৈ পৰাত সোমবাৰৰ পৰা এসপ্তাহৰ বাবে চৰকাৰী কাৰ্যালয়সমূহ বন্ধ কৰাৰ কথা ঘোষণা কৰিছে  শ্ৰীলংকা চৰকাৰে। বিদ্যুৎ যোগান সমস্যাৰ পটভূমিত শ্ৰীলংকাৰ শিক্ষা মন্ত্ৰালয়ে কলম্বো চহৰৰ সকলো চৰকাৰী আৰু চৰকাৰী স্বীকৃতিপ্ৰাপ্ত ব্যক্তিগত বিদ্যালয়ৰ শিক্ষকসকলক অহা সপ্তাহৰ পৰা অনলাইন ক্লাছ অনুষ্ঠিত কৰিবলৈ নিৰ্দেশ দিছে।

দেশখনত ইন্ধনৰ পৰিমাণ তীব্ৰভাৱে হ্ৰাস পোৱাৰ ফলত শ্ৰীলংকাই বিদেশী মুদ্ৰাত আমদানিৰ ধন পৰিশোধ কৰিবলৈ বাধাৰ সন্মুখীন হৈছে, যাৰ বাবে দেশখনৰ অৰ্থনীতি স্তব্ধ হৈ পৰিছে।

ৰাজহুৱা প্ৰশাসন আৰু আভ্যন্তৰীণ পৰিক্ৰমা মন্ত্ৰালয়ে শুকুৰবাৰে জাৰি কৰা ঘোষণা অনুসৰি, "ইন্ধন যোগানৰ ওপৰত থকা বাধা, দুৰ্বল ৰাজহুৱা পৰিবহণ ব্যৱস্থা আৰু ব্যক্তিগত বাহনৰ ব্যৱহাৰত হোৱা অসুবিধাৰ প্ৰতি লক্ষ্য ৰাখি নূন্যতম কৰ্মচাৰীৰ সৈতে কাম কৰাৰ বাবে এই সিদ্ধান্ত চৰকাৰে গ্ৰহণ কৰিছে বুলি জানিব পৰা গৈছে।" অৱশ্যে চৰকাৰী ঘোষণাত স্বাস্থ্য খণ্ডত কৰ্মৰত সকলো কৰ্মচাৰীয়ে কৰ্মক্ষেত্ৰলৈ যাব পাৰিব বুলি নিশ্চয়তা দিছে।

শ্ৰীলংকাত বৰ্তমানেও অব্য়াহত আছে অৰ্থনৈতিক সংকট । বিগত কে'বামাহ ধৰি দেশখনত অব্য়াহত আছে জৰুৰীকালীন অৱস্থা । দেশৰ জনগণে বিদ্ৰোহ কৰি আহিছে খাদ্য়ৰ বাবে । ইতিমধ্য়ে শ্ৰীলংকাত চৰকাৰৰ বিৰুদ্ধে জনগণে বিদ্ৰোহ কৰিছে অন্ন, বস্ত্ৰ আৰু ইন্ধনৰ বাবে । এনে অৱস্থাৰ পৰা পৰিত্ৰাণ পাবলৈ শ্ৰীলংকা চৰকাৰে বিভিন্ন দেশৰ সহায় বিচাৰিছে । ভাৰতেও দেশখনক সহায়ৰ বাবে আগবাঢ়ি আহিছে । শ্ৰীলংকা চৰকাৰৰ অনুৰোধৰ প্ৰতি সঁহাৰি জনাই ভাৰতে ইউৰিয়া সাৰ ক্ৰয়ৰ বাবে শ্ৰীলংকালৈ ৫৫ নিযুত আমেৰিকান ডলাৰৰ এলঅ'চি প্ৰেৰণ কৰাৰ সিদ্ধান্ত গ্ৰহণ কৰিছে