ডিজিটেল ডেস্কঃ ভাৰতবৰ্ষত দেখা দিয়া প্ৰদূষণৰ সমস্যাক লৈ উদ্বিগ্ন সৰ্বোচ্চ ন্যায়ালয়৷মঙলবাৰে উচ্চতম ন্যায়ালয়ে কয় যে ফটকাত নিষিদ্ধ ৰাসায়নিক পদাৰ্থ ব্যৱহাৰৰ বিৰুদ্ধে দিয়া নিৰ্দেশনা কেৱল দিল্লী আৰু ইয়াৰ কাষৰীয়া অঞ্চলত নহয়, সকলো ৰাজ্যতে প্ৰযোজ্য হ’ব।
উচ্চতম ন্যায়ালয়ৰ এই স্পষ্টীকৰণ ৰাজস্থানত কিছুমান ফটকা ব্যৱহাৰ নিষিদ্ধ কৰা আৰু বায়ু তথা শব্দ প্ৰদূষণ হ্ৰাস কৰা আদালতৰ নিৰ্দেশ কাৰ্যকৰী কৰিবলৈ নিৰ্দেশ দিব বিচৰা আবেদনৰ শুনানিৰ সময়ত দিয়া হৈছে।
উচ্চতম ন্যায়ালয়ত আবেদনকাৰীয়ে কয় যে এই আদেশ কেৱল দিল্লী-এনচিআৰৰ ক্ষেত্ৰতহে প্ৰযোজ্য বুলি ধাৰণা কৰা যেন লাগে, যদিও ই সমগ্ৰ দেশতে প্ৰযোজ্য।বিশেষকৈ উৎসৱৰ বতৰত বায়ু প্ৰদূষণ কম কৰাৰ বাবে সকলো ৰাজ্যকে পদক্ষেপ ল’বলৈ নিৰ্দেশ দি আদালতে ৰাজস্থানৰ পূৰ্বৰ নিৰ্দেশৰ প্ৰতি লক্ষ্য ৰাখিবলৈ নিৰ্দেশ দিয়ে।
ন্যায়াধীশ এম এম সুন্দ্ৰেশে আঙুলিয়াই দিয়ে যে পৰিবেশ সম্পৰ্কীয় বিষয়ত কেৱল আদালতৰ কৰ্তব্য আছে বুলি ভবাটো ভুল ধাৰণা। ৰাষ্ট্ৰীয় ৰাজধানী দিল্লী আৰু চুবুৰীয়া ৰাজ্যসমূহৰ বায়ুৰ গুণাগুণৰ সম্পৰ্কত বিতৰ্ক অব্যাহত থকাৰ সময়তে দিল্লীৰ বায়ু প্ৰদূষণৰ বিষয়টোক লৈ কেন্দ্ৰীয় আৰু ৰাজ্য চৰকাৰক ‘ব্লেম-গেম’ খেলা বুলিও শীৰ্ষ আদালতে তীব্ৰ সমালোচনা কৰে।
Continue Reading
