ডিজিটেল ডেস্ক: অহা ২১ ডিচেম্বৰত নামৰূপলৈ আহিব দেশৰ প্ৰধানমন্ত্ৰী নৰেন্দ্ৰ মোদী। নামৰূপ সাৰকাৰখানাৰ নতুন ইউৰিয়া প্ৰকল্পৰ আধাৰশিলা কৰিব প্ৰধানমন্ত্ৰীগৰাকীয়ে।
প্ৰধানমন্ত্ৰীৰ আগমন উপলক্ষে নিৰাপত্তা দিশ পৰ্যালোচনা কৰাৰ উদ্দেশ্যেৰে শনিবাৰে নামৰূপৰ হাপজানত উপস্থিত হয় অসম আৰক্ষীৰ সঞ্চালক প্ৰধান হৰমিত সিং।
নামৰূপৰ হাপজানত অনুষ্ঠিত হ'ব লগা প্ৰধানমন্ত্ৰীৰ সভাস্থলীৰ স্থানৰ লগতে হেলিপেড আদিৰ স্থান পৰিদৰ্শন কৰাৰ লগতে নিৰপত্তাৰ দিশ সম্পৰ্কেও পৰ্যালোচনা কৰে। তদুপৰি সভাস্থলীৰ নিৰ্মাণকাৰ্য চলাই থকা বিভিন্ন চৰকাৰী বিভাগৰ বিষয়াৰসকলৰ লগতে স্থানীয় বিধায়ক তৰংগ গগৈৰ সৈতেও বৈঠকত মিলিত হয় আৰক্ষীৰ সঞ্চালক প্ৰধানগৰাকী।
২১ ডিচেম্বৰৰ পুৱা ১০.৩০ বজাত অনুষ্ঠিত হ'ব লগা প্ৰধানমন্ত্ৰীৰ জনসভাত প্ৰায় লক্ষাধিক জনতাৰ সমাগম হ'ব বুলি জানিবলৈ দিয়ে আৰক্ষীৰ সঞ্চালক প্ৰধানগৰাকীয়ে।
Continue Reading
