ডিজিটেল ডেস্কঃ ক্ৰমাৎ অধিক ৰক্তক্ষয়ী হৈ পৰিছে হামাছ-ইজৰাইলী সেনাৰ যুঁজ। হামাছ সন্ত্ৰাসবাদীয়ে কিছুদিন পূৰ্বে গাজাৰ পৰা অপহৰণ কৰি নিছিল বহু লোকক। তেওঁলোকৰ ভিতৰত বহু কেইগৰাকী বিদেশী লোকো আছিল। হামাছৰ জিম্মাত এতিয়া প্ৰায় ২০০ গৰাকী পণবন্দী আছে বুলি বিভিন্ন সূত্ৰই প্ৰকাশ কৰিছে। হামাছে অৱশেষত পণবন্দীসকলৰ মাজৰে দুগৰাকী মহিলাক মহিলাক মুকলি কৰি দিছে।
হামাছে বন্দী কৰি ৰখা জুডিথ টাই ৰাণান আৰু তেওঁৰ কন্যা নাতিল শোশানাই হামাছৰ কবলৰ পৰা মুক্ত হোৱাৰ পিছতে ইজৰাইললৈ উভতি আহিছে। অৱশ্যে, তেওঁলোকক কেনে চৰ্তৰ অধীনত মুকলি কৰি দিয়া হৈছে সেয়া এতিয়াও প্ৰকাশ কৰা হোৱা নাই। আমেৰিকা যুক্তৰাষ্ট্ৰৰ ৰাষ্ট্ৰপতি জো বিডেনে এই খবৰটো পোৱাৰ পিছতে সন্তুষ্টি ব্যক্ত কৰিছে। তেওঁ ফোনত মুকলি কৰি দিয়া মহিলাদুগৰাকীৰ সৈতে কথাও পাতিছে।
হামাছে কৈছে যে সংগঠনটোৱে কাটাৰ আৰু ইজিপ্তৰ সৈতে আলোচনাত চলাই আছে । পণবন্দী কৰি ৰখা আন নাগৰিকসকলকো মুকলি কৰাৰ বিষয়ে হামাছে চিন্তা কৰি আছে বুলি সংগঠনটোৱে প্ৰকাশ কৰিছে। ইজৰাইলী সামৰিক বাহিনীয়ে যোৱা সপ্তাহৰ পৰা গাজাত অভিযান তীব্ৰতৰ কৰি তুলিছে। আক্ৰমণৰ তীব্ৰতাৰ প্ৰতি লক্ষ্য ৰাখিয়েই হামাছে পণবন্দীসকলক মুক্তি দিবলৈ আৰম্ভ কৰিছে বুলি ধাৰণা কৰা হৈছে।
ইহুদী ৰাষ্ট্ৰ খনে হামাছাৰ বিৰুদ্ধে সম্পূৰ্ণ যুদ্ধৰ বাবে প্ৰস্তুতি চলাইছে। ইজৰাইলে ঘোষণা কৰিছে যে দেশ খনে নিজৰ সকলো শক্তিৰে যুঁজিব আৰু জিকিব। ইজৰাইলী বাহিনীয়ে বৰ্তমান গাজাৰ গুৰুত্বপূৰ্ণ অঞ্চলসমূহত আক্ৰমণ কৰিবলৈ প্ৰস্তুতি চলাই আছে। এনে পৰিস্থিতিত হামাছে বন্দীসকলক মুকলি কৰিবলৈ আৰম্ভ কৰিছে।
Continue Reading
