ডিজিটেল ডেস্কঃ প্ৰেম যেন সঁচাই অদ্ভুত, প্ৰেমৰ বাবেই এই পৃথিৱীত ঘটি আছে ক’ত যে কি। শেহতীয়াকৈ এক প্ৰেম কাহিনীয়ে সকলো লোকৰে দৃষ্টি কাঢ়িছে সকলোৰে। ৫০ বছৰ বয়সৰ এগৰাকী মহিলাই ৩০ বছৰীয়া বৈবাহিক জীৱনৰ পাছত কুৰি বছৰীয়া এটা চফল ডেকাৰ সৈতে পলাই যায়। উল্লেখ্য যে, মহিলাগৰাকী সাতটা সন্তানৰ মাতৃও। ঘটনাটো মধ্য প্ৰদেশৰ ছত্ৰপুৰত সংঘটিত হৈছিল। মহিলাগৰাকীয়ে পলাই যাওঁতে তেওঁৰ স্বামীয়ে শস্য বিক্ৰী কৰি পোৱা সকলো ধন কাঢ়ি লৈ গৈছিল বুলি অভিযোগ কৰা হৈছে।
শেহতীয়াকৈ, মধ্য প্ৰদেশৰ ছত্ৰপুৰ জিলাৰ সতাই আৰক্ষী থানা অঞ্চলৰ অন্তৰ্গত চন্দৰনপুৰৱা অঞ্চলৰ বাসিন্দা হৰিমোহন সেন নামৰ এজন ব্যক্তিয়ে আৰক্ষীৰ ওচৰত অভিযোগ দাখিল কৰিছে। তেওঁ কৈছিল যে তেওঁৰ পত্নী সঞ্জু সেন তেওঁৰ নিজৰ ফাৰ্ম হাউচৰ এজন বিশ বছৰীয়া যুৱক মহেশ সেনৰ সৈতে পলাই গৈছিল। তেওঁ আৰক্ষীক এইটোও কৈছিল যে তেওঁলোকৰ সাতটা সন্তান আছে। তিনিজনী ছোৱালী ইতিমধ্যে বিয়া হৈ গৈছিল। তেওঁ আৰক্ষীক কয় যে মাতৃৰ অনুপস্থিতিত তেওঁৰ সন্তানসকলে এতিয়া চকলু টুকিব লগা হৈছে।
হৰিমোহনে এতিয়া তেওঁৰ পত্নীক বিচাৰি উলিয়াবলৈ আৰক্ষীক আহ্বান জনাইছে। তেওঁ অভিযুক্ত মহেশকো গ্ৰেপ্তাৰ কৰিবলৈ আৰক্ষীক আহ্বান জনাইছে। আৰক্ষী ফালৰ পৰাও আস্বাস প্ৰদান কৰা হৈছে যে এই সন্দৰ্ভত আইনী ব্যৱস্থা লোৱা হ'ব।
Continue Reading
