পনিটেল বন্ধা ছোৱালী দেখিলে ল'ৰা উত্তেজিত হয়! স্কুলত পনিটেলৰ ওপৰত নিষেধাজ্ঞা জাৰি

ডিজিটেল ডেস্কঃ ছোৱালীয়ে একোচাকৈ চুলি বান্ধিলে বা পনিটেল বন্ধা ছোৱালী দেখিলে ল'ৰা উত্তেজিত হয় সেয়েহে ছোৱালীয়ে পনিটেল বনোৱাৰ ওপৰত নিষেধাজ্ঞা আৰোপ কৰা হৈছে। বিশেষকৈ বিদ্যালয়সমূহত ছাত্ৰীসকলে চুলিৰ পনিটেল বনাই যাব নোৱাৰিব। এই অদ্ভূত নিয়ম বনোৱা হৈছে জাপানত। নিষেধাজ্ঞা অনুসৰি ছোৱালীয়ে পনিটেল বনালে ডিঙিৰ পিছফাল ওলাই থাকে আৰু এই কথাই ল'ৰাবোৰক যৌনভাৱে উত্তেজিত কৰে। জাপানৰ এই নিষেধাজ্ঞাই সমগ্ৰ বিশ্ববাসীকে হতবাক কৰি তুলিছে। জাপানত ছাত্ৰীৰ ওপৰত এনে ধৰণৰ অদ্ভুত নিষেধাজ্ঞা আৰোপ কৰাটো নতুন কথা নহয়। ইয়াত বহুতো বিদ্যালয়ত ছাত্ৰীৰ মোজাৰ আকাৰৰ পৰা অন্তৰ্বাসৰ ৰংলৈকে অদ্ভুত নিয়ম প্ৰয়োগ কৰা হয়। কিছুমান বিদ্যালয়ত ছাত্ৰীক কেৱল বগা আণ্ডাৰৱেৰৰ বাহিৰে বেলেগ ৰঙৰ আণ্ডাৰৱেৰ নিপিন্ধিবলৈ কঠোৰভাৱে নিৰ্দেশ দিয়া হৈছে। কোনো ছোৱালীয়ে চুলিত ৰং কৰি স্কুললৈ আহিব নোৱাৰিব।সকলোৰে চুলিৰ ৰং ক'লা হ'ব লাগিব। উল্লেখ্য যে জাপানৰ বিদ্যালয়সমূহে জাপি দিয়া এনেধৰণৰ অদ্ভুত নিয়মৰ ক্ষেত্ৰত প্ৰশাসনে শিক্ষাৰ্থীসকলক সঠিক ব্যাখ্যা আজিলৈকে আগবঢ়াব পৰা নাই। আৰু পঢ়কঃ সন্ত্ৰাসবাদৰ বিৰুদ্ধে কঠোৰ স্থিতি! এদিনতে ৮১জনক মৃত্যুদণ্ড চৌদি আৰৱৰ