পশ্চিম গোলাঘাট সংহত শিশু উন্নয়ন প্ৰকল্পৰ উদ্যোগত; ৰাষ্ট্ৰীয় পোষন মাহ পালন

সাপজুৰিৰ প্ৰেক্ষাগৃহত পশ্চিম গোলাঘাট সংহত শিশু উন্নয়ন প্ৰকল্প, বোকাখাতৰ অন্তৰ্গত অঙ্গনবাড়ী কেন্দ্ৰৰ কৰ্মী আৰু সহায়িকাৰ লগতে সংহত শিশু উন্নয়ন প্ৰকল্পৰ বিষয়া, কৰ্মচাৰী, চুপাৰভাইজাৰ সকলৰ লগতে স্থানীয় পুৰুষ আৰু মহিলাসকল উপস্থিত থাকে৷ অনুষ্ঠানত মুখ্য অতিথি হিচাবে বোকাখাতৰ বিধায়ক তথা কেবিনেট মন্ত্ৰী অতুল বৰাই অংশ গ্ৰহণ কৰি গৰ্ভৱতী মহিলাসকলে ল'ব লগা সাৱধানতা আৰু সন্তানৰ লালন পালনত ল'ব লগা যত্নৰ বিষয়ে অৱগত কৰে৷ বোকাখাতৰ প্ৰতিখন পঞ্চায়তৰ প্ৰতিটো অঙ্গনবাড়ী কেন্দ্ৰত পোষন মাহৰ কাৰ্যসূচী ৰূপায়ন হৈ আছে৷ অৱশ্যে সাপজুৰিৰ আশেপাশে কেইবাখনো বাগিচা আছে আৰু সোমবাৰে সাপজুৰিত বহা সাপ্তাহিক বজাৰত সমৱেত লোকসকলক লৈ কেন্দ্ৰীয়ভাৱে সাপ্তাহিক পোষন বজাৰৰ এই কাৰ্যসূচী গ্ৰহণ কৰা হয়৷ কেন্দ্ৰীয়ভাৱে এনেধৰণৰ কাৰ্যসূচী ৰাজ্যৰ আন আন ঠাইত অনুষ্ঠিত হোৱা নাই বুলি জানিবলৈ দিয়ে বিভাগীয় বিষয়াই৷সাপ্তাহিক পোষন বজাৰ কাৰ্যসূচীৰ লগত সংগতি ৰাখি পুষ্টিহীনতা আৰু এনিমিয়া ৰোগৰ ওপৰত অঙ্গনবাড়ী কৰ্মীয়ে এখন নাটকো মঞ্চস্থ কৰে৷

অনুষ্ঠানত মন্ত্ৰী অতুল বৰাৰ লগতে বোকাখাত উপ জিলাৰ সহকাৰী আয়ুক্ত অংকিতা বৰুৱা, বোকাখাত মহকুমা স্বাস্থ্য বিষয়া ডাঃ অজিত কাকতি,অতিৰিক্ত খণ্ড উন্নয়ন বিষয়া কবিতা গগৈ, স্বাস্থ্য বিভাগৰ সমল ব্যক্তি উমেশ বৰা, সংহত শিশু উন্নয়ন বিষয়া স্মৃতিৰেখা হাজৰিকা, জনস্বাস্থ্য কাৰিকৰী বিভাগৰ‌ বিষয়া গীতা মেদক, তথ্য আৰু জনসংযোগ বিভাগৰ সহ বিষয়া অজয় কাকতিয়েও বক্তব্য প্ৰদান কৰে৷