ডিজিটেল ডেস্কঃ সঠিক প্ৰশিক্ষণৰ অভাৱৰ কথা উল্লেখ কৰি কেন্দ্ৰীয় বিমান নিয়ন্ত্ৰক ডিজিচিএয়ে স্পাইচজেটৰ ৯০গাৰকী পাইলটক বোয়িং ৭৩৭ মেক্স বিমান উৰোৱাত নিষেধাজ্ঞ প্ৰদান কৰিছে। এক বিবৃতিত ডিজিচিএৰ মুৰব্বী অৰুণ কুমাৰে কয়, ‘এক আভ্যন্তৰীণ অনুসন্ধানত পোহৰলৈ আহিছে যে এই ৯০ জন পাইলটৰ বোয়িং ৭৩৭ মেক্স পৰিচালনাৰ বাবে প্ৰয়োজনীয় বিশেষ প্ৰশিক্ষণ নাই। গতিকে বৰ্তমান সময়ৰ বাবে, তেওঁলোকক এই বিমান উৰণ বন্ধ কৰিবলৈ নিৰ্দেশ দিয়া হৈছিল। ডিজিচিএৰ পৰামৰ্শ অনুসৰি, এই ৯০ জন পাইলটক পুনৰ প্ৰশিক্ষণ দিবলৈ কোৱা হৈছে। ডিজিচিএয়ে এই ভুলৰ বাবে দায়ী সকলৰ বিৰুদ্ধে কঠোৰ ব্যৱস্থা ল'বলৈ এক বাৰ্তা প্ৰদান কৰিছে।
আমেৰিকা যুক্তৰাষ্ট্ৰত নিৰ্মিত বোয়িং মেক্স পৰিয়ালৰ এই বিশেষ বিমানখন ২০১৮ চনৰ অক্টোবৰত ইণ্ডোনেছিয়াত আৰু ২০১৯ৰ মাৰ্চত ইথিঅ’পিয়াত দুৰ্ঘটনাগ্ৰস্ত হৈছিল। দুয়োটা ঘটনাত প্ৰায় ৩৫০ জন যাত্ৰীৰ মৃত্যু হৈছিল। ১৯ মাৰ্চত, বোয়িং ৭৩৭ মেক্স সমগ্ৰ বিশ্বতে নিষিদ্ধ কৰা হৈছিল। উল্লেখ্য যে, ডিজিচিএয়ে যোৱা বছৰ আগষ্টত কিছুমান ছফ্টৱেৰ মেৰামতি কৰাৰ পাছত নিষেধাজ্ঞা প্ৰত্যাহাৰ কৰিছিল।
উক্ত বিমানখন পুনৰ মাৰ্চত বিতৰ্কত লিপ্ত হৈছিল। চাইনা ইষ্টাৰ্ণ এয়াৰলাইনছৰ বোয়িং মেক্স কুনমিংৰ পৰা গুয়াংঝৌলৈ যাওঁতে ১৩২জন যাত্ৰীৰ সৈতে মধ্য বতাহত দুৰ্ঘটনাগ্ৰস্ত হৈছিল। একাধিক সূত্ৰৰ মতে, অত্যাধুনিক বিমানখন উৰাবলৈ উপযুক্ত প্ৰশিক্ষণৰ অভাৱৰ বাবে এই দুৰ্ঘটনাটো সংঘটিত হৈছিল। ইয়াৰ পাছত, ডিজিচিএ-এ ভাৰতত চলি থকা এই বিমানখন ‘বৰ্ধিত নিৰীক্ষণ’ৰ অধীনলৈ আনিছিল আৰু অনুসন্ধানত, ৯০ জন পাইলটৰ প্ৰশিক্ষণ ত্ৰুটি প্ৰকাশ পাইছে। পাইলটসকলক মেক্সৰ ভাৰ্চুৱেল প্ৰশিক্ষণ কেন্দ্ৰত সঠিক প্ৰশিক্ষণ প্ৰদান কৰি থকা হৈছে।
ডিজিচিএ-ৰ দ্বাৰা নিষেধাজ্ঞা জাৰি কৰাৰ পাছত, স্বাভাৱিকতে প্ৰশ্ন উত্থাপিত হয়, যদি এই পাইলটসকলে সঠিক প্ৰশিক্ষণ অবিহনে কেনেকৈ বোয়িং মেক্স উৰুৱাই আছিল? পোনপটীয়া উত্তৰ পৰিহাৰ কৰি স্পাইচজেটৰ এজন মুখপাত্ৰই কয়, ‘আমাৰ ওচৰত ৬৫০ জন প্ৰশিক্ষিত পাইলট আছে যিয়ে বোয়িং ৭৩৭ মেক্স পৰিচালনা কৰিব পাৰে।’
Continue Reading
