ডিজিটেল ডেস্কঃ কিছুদিনৰ পূৰ্বে এক শোকাবহ দুৰ্ঘটনাই কপাঁই তুলিছিল সমগ্ৰ দেশ৷২ জুনত ওড়িশাৰ বালাছোৰত তিনিখন ৰে’লৰ সংঘৰ্ষ হৈছিল। চৰকাৰী পৰিসংখ্যা অনুসৰি এই দুৰ্ঘটনাত ২৯১ জন লোকৰ মৃত্যু হয়। দুৰ্ঘটনা সংঘটিত হোৱাৰ পাছত একাংশ লোকে নিজৰ আপোনজনৰ মৃতদেহ চিনাক্ত কৰি লৈ যায়।
আনহাতে, কিছুসংখ্যক মৃতদেহৰ অৱনতি ঘটিবলৈ ধৰে, সেই সময়ত ৩ জুনৰ নিশা ভুৱনেশ্বৰৰ বিভিন্ন চিকিৎসালয়ৰ মৰ্গত ১৯০ টা মৃতদেহ ৰখা হৈছিল। পাছৰ দিনবোৰতো আৰু কিছুমান মৃতদেহ ইয়ালৈ অনা হৈছিল। দুৰ্ঘটনা সংঘটিত হোৱাৰ তিনি সপ্তাহতকৈও অধিক সময় পাৰ হৈ গ’ল। তথ্য অনুসৰি, ২৫ জুনলৈকে এইমছৰ মৰ্গত ৰখা হৈছে ৮১টা মৃতদেহ, যাৰ পৰিচয় এতিয়াও নিশ্চিত হোৱা নাই।
তাৎপৰ্যপূৰ্ণভাৱে দুৰ্ঘটনাটোত বহু মৃতদেহৰ বেয়াকৈ অংগচ্ছেদ হৈছিল। তেওঁলোকক চিনাক্ত কৰাটো কঠিন হৈ পৰিছিল। বহু সময়ত এনে পৰিস্থিতিৰো সৃষ্টি হৈছিল যে দুজনকৈ লোকে এটা মৃতদেহ দাবী কৰিছিল। ইয়াৰ সৈতে মোকাবিলা কৰিবলৈ প্ৰশাসনে সিদ্ধান্ত লয় যে যিয়েই মৃতদেহ দাবী কৰিব, তেওঁলোকৰ ডি এন এৰ নমুনা লৈ পৰীক্ষা কৰা হ’ব। ডিএনএ টেষ্টৰ মিল কৰাৰ পিছতহে মৃতদেহ আৰু দাবীদাৰক গতাই দিয়া হ’ব।
আৰু পঢ়ক: ১৫ বছৰ পূৰ্বে আইভিএফ প্ৰক্ৰিয়াৰ সময়ত শুক্ৰাণু মিশ্ৰণক লৈ দিল্লীৰ চিকিৎসালক কোটি টকাৰ জৰিমনা
ইয়াৰ পিছত আপোনজনক বিচাৰি ফুৰা ৮৪ জন লোকে ডি এন এৰ নমুনা দিয়ে। ৬ জুনৰ পৰা নমুনা লোৱাৰ প্ৰক্ৰিয়া আৰম্ভ হৈছিল, যিটো ৮-৯ জুনলৈকে চলিছিল। তাৰ পিছত আত্মীয়ক এইমছে ক’লে যে ৫ৰ পৰা ৬ দিনৰ ভিতৰত ডি এন এ ৰিপ’ৰ্ট আহিব, তাৰ পিছত মৃতকৰ ডি এন এ মিলাই মৃতদেহটো দিয়া হ’ব। কিন্তু এই ছয় দিনৰ অপেক্ষা ২০ দিনতকৈও অধিক সময় ধৰাৰ পাছতো কোনো সুদুত্তৰ অহা নাই৷
Continue Reading
