ডিজিটেল ডেস্কঃ অসমত ক্ৰমে উন্নত হৈ আহিছে দবা খেলৰ পৰিবেশ। ইতিমধ্যে ৰাজ্যৰ বাহিৰতো অসমৰ বহু দবা খেলুৱৈয়ে সুনাম অৰ্জন কৰিবলৈ সক্ষম হৈছে। শেহতীয়াকৈ গুৱাহাটী মহানগৰীৰ পাঞ্জাবাৰীৰ বিপনন বাণিজ্য ক্ষেত্ৰত আজি অনুষ্ঠিত হোৱা সদৌ অসম প্ৰথম ৰেপিড ৰেটিং দবা প্ৰতিযোগিতাত মায়ংক চক্ৰৱৰ্তীয়ে চেম্পিয়নৰ খিতাপ দখল কৰে ।
জুনিয়ৰ ৰাষ্ট্ৰীয় চেম্পিয়ন মায়ংকে নিজৰ অপ্ৰতিৰোধ্য ধাৰা অব্যাহত ৰাখি ৯ খেলৰ আটাইকেইখনতে জয় লাভ কৰি এই খিতাপ অৰ্জন কৰে । আনহাতে দবা প্ৰতিযোগিতাখনৰ প্ৰথম ৰানাৰ্চ আপৰ খিতাপ লাভ কৰে প্ৰাক্তন অসম চেম্পিয়ন ৰাজীৱ ধৰে ।
ৰাজ্যখনৰ বিভিন্ন প্ৰান্তৰ ১১২ গৰাকী চিনিয়ৰ , জুনিয়ৰ দবাৰুৱে অংশগ্ৰহণ কৰা অসম ৰেপিড ৰেটিং প্ৰতিযোগিতা খন আনুষ্ঠানিকভাৱে উদ্বোধন কৰে অসম চেম্বাৰ্চ অৱ কৰ্মাচৰ অধ্যক্ষ ৰূপম গোস্বামীয়ে ।
বিশিষ্ট অতিথি তথা খেলুৱৈ হিচাপে অংশগ্ৰহণ কৰে মহানগৰ জিলা উপায়ুক্ত পল্লৱ ঝাই । সদৌ অসম দবা সন্থাৰ উদ্যোগত অনুষ্ঠিত হোৱা উক্ত প্ৰতিযোগিতাখন পৰিচালনা কৰে ৰবিকান্ত তিৱাৰী আৰু অনন্ত গোস্বামীয়ে ।
Continue Reading
