প্ৰথমবাৰৰ বাবে দেশৰ গণৰাজ্য দিৱসৰ অতিথি হ’ব অটোৰিক্সা চালক, নিৰ্মাণ কৰ্মী আৰু অনাময় কৰ্মীসকল

ডিজিটেল ডেস্কঃ প্ৰথমবাৰৰ বাবে গণৰাজ্য দিৱস উদযাপনৰ বাবে আমন্ত্ৰণ জনোৱা সকলৰ তালিকাত অন্তৰ্ভুক্ত হৈছে অটোৰিক্সা চালক, নিৰ্মাণ কৰ্মী, অনাময় কৰ্মী আৰু ফ্ৰণ্টলাইন কৰ্মী। প্ৰতিৰক্ষা মন্ত্ৰালয়ৰ এজন জ্যেষ্ঠ বিষয়াই জনোৱা অনুসৰি, গণতন্ত্ৰ দিৱস উদযাপন চাবলৈ কেতিয়াও সুযোগ নোপোৱা লোকসকলক সুযোগ দিয়াৰ বাবে এক বিশেষ প্ৰয়াস কৰা হৈছে। এই বছৰ সকলো স্তৰৰ লোকক ৰাজপথত গণতন্ত্ৰ দিৱস উদযাপনৰ অনুষ্ঠানলৈ আমন্ত্ৰণ জনোৱা হৈছে। কোভিড-১৯ ৰ বৰ্দ্ধিত সংক্ৰমণৰ প্ৰতি লক্ষ্য ৰাখি এইবাৰৰ গণৰাজ্য দিৱসত দৰ্শনাৰ্থীৰ সংখ্যা যথেষ্ট হ্ৰাস কৰা হৈছে। এইবাৰ ৫০০০ ৰ পৰা ৮০০০ মানুহৰ পৰিসৰ ভিতৰত অতিথি থাকিব৷ যোৱা বছৰ ২৫,০০০ দৰ্শনাৰ্থীয়ে ইয়াত অংশগ্ৰহণ কৰিছিল। দৰ্শনাৰ্থীৰ সুৰক্ষাৰ বাবে, কেৱল দুপালি টিকাকৰণ কৰা লোককহে আমন্ত্ৰণ কৰা হৈছে। আয়োজকসকলে অতিথিসকলক ছয় ফুট দূৰত্ব বজাই ৰাখিবলৈ, মুখা পিন্ধিবলৈ আৰু অন্যান্য কোভিড প্ৰটোকল অনুসৰণ কৰিবলৈ অনুৰোধ জনাইছে। সকলো অতিথিক বহুতৰপীয়া ক’ভিড পৰীক্ষা কৰা হ'ব৷ ঘৰত বহিয়েও সকলো লোকে গণতন্ত্ৰ দিৱসৰ পেৰেড উপভোগ কৰিব পাৰিব৷ ইণ্টাৰনেট, টেলিভিছন আৰু অন্যান্য সামাজিক মাধ্যমৰ মঞ্চত গণতন্ত্ৰ দিৱসৰ কাৰ্যসূচী উপলদ্ধ হ’ব। আয়োজকসকলে মানুহক ঘৰৰ পৰা গণৰাজ্য দিৱসৰ উদযাপনত অংশ হ'বলৈ আহ্বান জনাইছে৷ অতিথিসকলৰ সুবিধাৰ্থে অনুষ্ঠানটোত লাইভ প্ৰদৰ্শনৰ ভাল দৃশ্য ৰখাৰ বাবে ৰাজপথৰ প্ৰতিটো ফালে দহখন ডাঙৰ এলইডি স্ক্ৰীণ স্থাপন কৰা হৈছে। গণৰাজ্য দিৱসৰ পুৱা ১০.৩০ বজাত আৰম্ভ হ'ব যি এইবাৰ ইয়াৰ নিৰ্ধাৰিত সময়ৰ ৩০ মিনিট পলম। কুচকাৱাজ আৰম্ভ হোৱাৰ আগতে, কেন্দ্ৰীয় সশস্ত্ৰ আৰক্ষী বাহিনীৰ এটা দলে দেশপ্ৰেমৰ পৰিৱেশ গঢ়ি তুলিব৷ স্বাধীনতাৰ ৭৫ বছৰ উপলক্ষে এই বছৰ ফ্লাইপাষ্টত মুঠ ৭৫ খন বিমানে অংশগ্ৰহণ কৰিব। প্ৰথমবাৰৰ বাবে, দৰ্শনাৰ্থীসকলে গণতন্ত্ৰ দিৱসত কৌশল প্ৰদৰ্শন কৰা যুঁজাৰু বিমানৰ ককপিটৰ পৰা কিছুমান নেদেখা দৃশ্যৰ আভাস পাব। এইবাৰ গণৰাজ্য দিৱসত প্ৰথমবাৰৰ বাবে এক ডাঙৰ পৰিৱৰ্তন দেখা যাব। দৰাচলতে, এই বছৰ ভাৰতে ৭১ সংখ্যক গণৰাজ্য দিৱস উদযাপন কৰিবলৈ সাজু হৈছে। পেৰেডৰ অনুষ্ঠানটো অহা সপ্তাহত ৰাজধানী দিল্লীত পুনৰবাৰ অনুষ্ঠিত হ'ব। অৱশ্যে, এইবাৰ পেৰেড অনুষ্ঠান আৰম্ভ কৰাৰ সময় পুৱা ১০ বজাৰ পৰিৱৰ্তে ১০:৩০ বজাত অনুষ্ঠিত হ'ব। ৭৫ বছৰৰ পাছত প্ৰথমবাৰৰ বাবে, গণতন্ত্ৰ দিৱসৰ কুচকাৱাজ পলমকৈ আৰম্ভ হ'ব। কৰোনা প্ৰটোকল আৰু শ্ৰদ্ধাঞ্জলি সভাৰ বাবে এইবাৰ শেষৰ ফালে পেৰেড আৰম্ভ কৰা হ'ব। ৰাইচিনা পাহাৰৰ পৰা আৰম্ভ কৰি ইণ্ডিয়া গেটৰ ৰাজপথহৈ লালকিল্লা পেৰেড অনুষ্ঠান সমাপ্ত হ'ব, পেৰেডখন 8 কিলোমিটাৰ হ'ব। কুচকাৱাজ আৰম্ভ হোৱাৰ পূৰ্বে প্ৰধানমন্ত্ৰী নৰেন্দ্ৰ মোদীয়ে ইণ্ডিয়া গেটত অমৰ জোৱান জ্যোতি আৰু ৰাষ্ট্ৰীয় যুদ্ধ স্মাৰকত পুষ্পস্তৱক অৰ্পণ কৰি শ্বহীদসকলক শ্ৰদ্ধাঞ্জলি জ্ঞাপন কৰিব। এই তথ্য সোমবাৰে চৰকাৰী সূত্ৰৰ দ্বাৰা দিয়া হৈছিল।