ডিজিটেল ডেস্কঃ ভাৰতৰ চিকিৎসা ক্ষেত্ৰই লাভ কৰিছে এক উল্লেখযোগ্য সফলতা। দিল্লীৰ কেণ্ট আৰ্মী হাস্পতালত ৪৯ বছৰীয়া এগৰাকী মহিলা ৰোগীৰ শৰীৰত প্ৰথমবাৰৰ বাবে যান্ত্ৰিক হৃদযন্ত্ৰ (LVAD-Left Ventricular Assist Device) স্থাপন কৰা হৈছে। এই বিশেষ যন্ত্ৰটোৱে হৃদযন্ত্ৰ বিকলতাৰ ৰোগীসকলৰ জীৱনত নতুন আশাৰ সঞ্চাৰ আনিছে। যোৱা দুবছৰ ধৰি হৃদযন্ত্ৰ সংৰোপণৰ বাবে অপেক্ষা কৰা ৰোগীগৰাকীৰ জীৱনত HeartMate-3 নামৰ বাওঁ নিলয় সহায়ক যন্ত্ৰ (LVAD) স্থাপনে এক নতুন যুগৰ আৰম্ভণি কৰিছে।
উক্ত মহিলা ৰোগীগৰাকীয়ে যোৱা দুবছৰ ধৰি হৃদযন্ত্ৰ সংৰোপণৰ বাবে অপেক্ষা কৰি আছিল, কিন্তু উপযুক্ত দাতা নোপোৱা হোৱাত তেওঁৰ জীৱন সংকটজনক অৱস্থাত আছিল। তেওঁৰ হৃদযন্ত্ৰ ক্ৰমান্বয়ে বিকল হৈ পৰিছিল, যাৰ ফলত শৰীৰৰ বিভিন্ন অংশত পৰ্যাপ্ত পৰিমাণে তেজ চলাচল নোহোৱাত সমস্যা সৃষ্টি হৈছিল। চিকিৎসকসকলে সময় থাকোতেই সিদ্ধান্ত লয় যে HeartMate-3 নামৰ এই উন্নত প্ৰযুক্তিৰ সহায় লৈ অপাৰেশ্যন কৰা উচিত।
এই বিশেষ LVAD যন্ত্ৰটো হৃদযন্ত্ৰই তেজ পাম্পিং প্ৰক্ৰিয়াত সহায় কৰে। সাধাৰণতে, যিসকলে হৃদযন্ত্ৰ সংৰোপণৰ বাবে অপেক্ষা কৰে, তেওঁলোকৰ বাবে এই প্ৰযুক্তি অত্যন্ত সহায়ক। বিশ্বৰ উন্নত দেশসমূহত এই প্ৰযুক্তি আগতেই ব্যৱহাৰ কৰা হৈছিল, কিন্তু ভাৰতত এইবাৰ প্ৰথমবাৰৰ বাবে সফলভাৱে অপাৰেশ্যন সম্পন্ন হ’ল।
চিকিৎসকসকলে জনোৱা অনুসৰি, অপাৰেশ্যনৰ পিছত মহিলা ৰোগীগৰাকীৰ অৱস্থা স্থিৰ হৈ আহিছে, আৰু তেওঁ পূৰ্বৰ তুলনাত দ্ৰুতগতিত সুস্থ হৈ উঠিছে। বিশ্বত প্ৰায় ১৮ হাজাৰ ৰোগীয়ে এই LVAD স্থাপনৰ পিছত সুস্থ জীৱন অতিবাহিত কৰিছে, আৰু ভাৰততো এতিয়া এই প্ৰযুক্তিৰ সফল প্ৰয়োগে চিকিৎসা ক্ষেত্ৰত এক নতুন যুগৰ আৰম্ভণি কৰিছে।
এই সফল অপাৰেশ্যনে হৃদযন্ত্ৰ বিকলতাৰ সমস্যা লোৱা ৰোগীসকলৰ জীৱন ৰক্ষা কৰিবলৈ নতুন সম্ভাৱনা দেখুৱাইছে। ভবিষ্যতে ভাৰতৰ অন্যান্য চিকিৎসালয়তো এই উন্নত প্ৰযুক্তি ব্যৱহাৰৰ আশা কৰা হৈছে, যিয়ে বহুতো হৃদযন্ত্ৰ ৰোগীৰ জীৱন ৰক্ষা কৰিব। এই অপাৰেশ্যন ভাৰতৰ চিকিৎসাৰ ইতিহাসত এক গুৰুত্বপূৰ্ণ অৱদান হিচাপে থাকিব।
Continue Reading
