ডিজিটেল ডেস্ক
দেশজুৰি চাঞ্চল্যৰ সৃষ্টি কৰিছে সোণালী ফ’গাটৰ আকস্মিক মৃত্যুয়ে৷ টিকটক ষ্টাৰ হিচাপে পৰিচিত সোণালী ফ’গাটে বিগ বছতো অংশ লৈছিল লগতে বিজেপি দলৰ সৈতেও জড়িত আছিল৷
গোৱাৰ ডিজিপি জছপাল সিঙে সোণালী ফ’গাটৰ মৃত্যু সন্দৰ্ভত শুক্ৰবাৰে কয় যে, টিকটক তাৰকা আৰু বিজেপি নেত্ৰী সোনালী ফ’গাটৰ মৰণোত্তৰ পৰীক্ষাৰ প্ৰতিবেদন অমীমাংসিত হৈ আছে।
আনহাতে চি চি টিভি ফুটেজত জৰিয়তে স্পষ্টকৈ দেখা গৈছিল যে তেওঁক এটা বটল দিয়া হৈছিল৷ কিন্তু সেই বটলত থকা দ্ৰব্য পান কৰাত দ্বিধাগ্ৰস্ত হোৱা যেন লাগিছিল সোণালীক৷
আনহাতে দুজন লোকক ২৩ আগষ্টৰ পুৱা প্ৰায় ৪.৩০ বজাত ফোগাটক ৰেষ্টুৰেণ্টৰ ৱাছৰুমলৈ লৈ যোৱা চি চি টিভি কেমেৰাত দেখা গৈছিল আৰু তেওঁলোক তিনিওজন দুঘণ্টাৰ বাবে ৱাছৰুমৰ ভিতৰত আছিল।
আনফালে "অৰ্থনৈতিক স্বাৰ্থ"ৰ বাবেই তেওঁক হত্যা কৰাৰ সম্ভাৱনা আছে বুলিও এক গুৰুত্বপূৰ্ণ মন্তব্য কৰে আই জি পিয়ে ৷
মৃত্যুৰ আগতে ৰেষ্টুৰেণ্টত অভিযুক্তৰ দ্বাৰা সোণালী ফ’গাটক প্ৰয়োজনতকৈ অধিক পানীয় পান কৰিবলৈ দিছিল বুলি গোৱা আৰক্ষীয়ে স্পষ্টকৈ জানিবলৈ দিয়ে৷
শুকুৰবাৰে আৰক্ষীয়ে কয় যে, বিজেপি নেত্ৰী সোণালী ফ’গাটক উত্তৰ গোৱা ৰেষ্টুৰেণ্ট এখনত এটা পাৰ্টিৰ সময়ত দুজন ব্যক্তিয়ে পানীয়ৰ জৰিয়তে কিছুমান বিষাক্ত ৰাসায়নিক পদাৰ্থ খুৱাইছিল যাৰ ফলত তেওঁৰ মৃত্যু হৈছিল।
শুক্ৰবাৰে আৰক্ষী এই ঘটনাৰ সৈতে জড়িত থকাৰ অভিযোগত দুজন ব্যক্তিক গ্ৰেপ্তাৰ কৰে । অনুসন্ধান প্ৰক্ৰিয়াৰ খৰতকীয়া গতিৰ বাবে সন্তুষ্টি প্ৰকাশ কৰিছে সোণালী ফ’গাটৰ ভাতৃয়ে৷
Continue Reading
