ডিজিটেল ডেস্কঃ দুগৰাকী যুৱতী আৰক্ষী থানাত উপস্থিত হৈ আৰক্ষীক কৰিলে অদ্ভূত দাবী। আৰক্ষীয়ে যুৱতী দুগৰাকীৰ কথা শুনি মূৰে-কপালে হাত দিবলৈ বাধ্য হয়। ঘটনা অনুসৰি দুগৰাকী ছোৱালীয়ে কোতৱালিত উপস্থিত হৈ আৰক্ষীক জনায় যে বিগত এবছৰ ধৰি তেওঁলোকে পতি-পত্নী হিচাপে বসবাস কৰি আহিছে। গোটেই জীৱন তেওঁলোকে পতি-পত্নী হিচাপে থাকিব বিচাৰে।
দুয়ো যুৱতীয়ে আৰক্ষীক কয়, তেওঁলোক যে স্বামী-স্ত্ৰী তাৰ এখন প্ৰমাণপত্ৰ যাতে আৰক্ষীয়ে দিয়ে। এই সন্দৰ্ভত আৰক্ষীয়ে কয় যে এইটো আমাৰ কাম নহয়। বিবাহৰ প্ৰমাণপত্ৰ আমি দিব নোৱাৰো বুলি জনায় আৰক্ষীয়ে। কিন্তু যুৱতী দুগৰাকীয়ে কথাটো নামানি আৰক্ষীক এখন প্ৰমাণপত্ৰ দিবৰ বাবে জোৰ দি ধৰে।
আৰক্ষীয়ে অৱশেষত দুয়োৰে আত্মীয়ক ফোন কৰি মাতি পঠিয়ায়। তথ্য অনুসৰি দুয়োগৰাকী ছোৱালী মধ্যপ্ৰদেশৰ ঝাবুৱা জিলাৰ আশে-পাশে থকা দুখন গাঁৱৰ বাসিন্দা। গুজৰাটত কাম কৰি থকাৰ সময়তে দুয়ো দুয়োৰে প্ৰেমত পৰিছিল। এই প্ৰেম ইমানেই তুংগত উঠিল যে যুৱতী দুগৰাকীয়ে পতি-পত্নীৰ দৰে থাকিবলৈ লয়। যোৱা ১৪ মাহ ধৰি সংসাৰ চলাই আছে যুৱতী দুগৰাকীয়ে। পাছলৈ যাতে তেওঁলোকৰ কোনো অসুবিধা নহয় তাৰবাবে দুয়ো বিবাহৰ এখন প্ৰমাণ পত্ৰ বিচাৰে। সেইবাবেই আৰক্ষী থানাত দুয়ো গৈ উপস্থিত হয়। আৰক্ষীয়ে দুয়োকে বুজাই দিলে যে মেৰেজ চাৰ্টিফিকেট দিয়াটো আমাৰ কাম নহয়। অৱশেষত আৰক্ষীয়ে দুয়োকে বুজাই মেলি আত্মীয়ৰ হাতত চমজাই পঠিয়াই দিয়ে। ঘটনাৱে উপস্থিত সকলোকে বৰকৈ আমোদ দিয়ে।
Continue Reading
