ডিজিটেল ডেস্কঃ পৰীক্ষাৰ্থী দুগৰাকী, কিন্তু পৰীক্ষাত পৃথকে পৃথকে স্থান দিব নোৱাৰি দুয়োকে! তেলেংগানা ব’ৰ্ডৰ দ্বাদশ শ্ৰেণীৰ পৰীক্ষাত ভাল ফলাফল লাভ কৰিবলৈ সক্ষম হৈছে হায়দৰাবাদৰ কনজইণ্ড টুইনছ বীণা আৰু বাণী। জন্মৰ পৰাই তেলেংগানাৰ মহিলা আৰু শিশু কল্যাণ বিভাগৰ তত্বাৱধানত আছে বীণা আৰু বাণী।
দুটা ভিন্ন শৰীৰ, কিন্তু মূৰ এটাই! যমজ সন্তানৰ চিকিৎসা খৰচ কেনেকৈ বহন কৰিব? জন্মৰ পিছত বীণা আৰু বাণীক চিকিৎসালয়ত এৰি থৈ যায় পিতৃ-মাতৃয়ে। চিকিৎসক আৰু নাৰ্ছৰ তত্বাৱধানত ১৩ বছৰ ধৰি চিকিৎসালয়খনত ডাঙৰ-দীঘল হৈছিল দুয়োগৰাকী ভগ্নী। তাৰ পিছত তেওঁলোকক চৰকাৰী ঘৰলৈ পঠিওৱা হ’ল৷ বীণা-বাণীক পঢ়ুৱাবলৈ ঘৰত এগৰাকী শিক্ষকো নিয়োগ কৰা হৈছিল।
ইয়াৰ পূৰ্বে ২০২০ চনত একাদশ শ্ৰেণীৰ পৰীক্ষাতো ভাল প্ৰদৰ্শন কৰিছিল বীণা আৰু বাণীয়ে। শাৰীৰিক অক্ষমতাৰ বাবে ব’ৰ্ডৰ পৰীক্ষাৰ সময়ত অতিৰিক্ত সময় ল’বলৈ সন্মত হোৱা নাছিল। বৰঞ্চ নিৰ্দিষ্ট সময়ৰ পাঁচ মিনিট আগতে বহি জমা দিয়া বুলিও জানিবলৈ পোৱা গৈছে। কেৱল সেয়াই নহয়, একেলগে পৰীক্ষাত বহিবলৈ দিয়া বাবে তেলেংগানা শিক্ষা বিভাগক ধন্যবাদ জ্ঞাপন কৰে বীণা আৰু বাণীয়ে।
ইফালে, চিকিৎসালয়ত থকাৰ পৰাই দুয়োগৰাকী ভগ্নীক অস্ত্ৰোপচাৰ কৰি পৃথক কৰাৰ প্ৰয়াস কৰা হৈছে। কিন্তু এইমছৰ বিশেষজ্ঞ চিকিৎসকৰ মতে এই ধৰণৰ অস্ত্ৰোপচাৰ অত্যন্ত বিপদজনক। সেয়া যি কি নহওক, দুয়োৰে এই কৃতিত্ব এতিয়া হৈ পৰিছে সকলোৰে বাবে প্ৰেৰণাৰ উত্স।
Continue Reading
