ডিজিটেল ডেস্কঃ চিগাৰেটৰ পেকেটত স্বাস্থ্য সম্পৰ্কীয় সতৰ্কবাণী লিখি দিয়া হয়। তাৰ পিছতো পিছে ধূমপায়ীৰ সংখ্যা কমা নাই। সেইবাবেই কানাডাত প্ৰতিটো চিগাৰেটতে এক স্বাস্থ্য সম্পৰ্কীয় সতৰ্কবাণীলিখি দিয়াী হৈছে। কানাডাত এতিয়াৰে পৰা প্ৰতিটো চিগাৰেটতে লিখা থাকিব "প্ৰতিটো হোপাতে আছে বিষ!" বাক্যষাৰ। চিগাৰেটত এনেদৰে স্বাস্থ্য সম্পৰ্কীয় সতৰ্কবাণী লিখি দিয়াৰ ফলত ধূমপায়ী লোকৰ সংখ্যা কমিব বুলি আশা কৰা হৈছে।
কানাডাৰএগৰাকী মন্ত্ৰী কেৰোলিন বেনেটে পূৰ্বে কৈছিল যে সতৰ্কবাণীৰ লেবেলবোৰ "বাধ্যতামূলক হ'ব আৰু প্ৰতিটো চিগাৰেটত সেয়া লিখা থাকিব লাগিব।"২০০০ চনত ধপাত ব্যৱহাৰৰ সৈতে সম্পৰ্কিত স্বাস্থ্যৰ বিপদৰ বিষয়ে সজাগতা বৃদ্ধি কৰাৰ অৰ্ৰ্থে কানাডাত চিগাৰেটৰ পেকেটত গ্ৰাফিক সতৰ্কবাণী দিয়া আৰম্ভ হৈছিল। তেনে চিত্ৰৰ ভিতৰত আছে ৰোগগ্ৰস্ত হৃদযন্ত্ৰ আৰু হাঁওফাঁওৰ ভয়ানক চিত্ৰ।
যোৱা দুটা দশকত দেশ খনত অৱশ্যে ধূমপানৰ প্ৰৱণতা ভালেখিনি হ্ৰাস পাই আহিছে।কিন্তু চৰকাৰী তথ্য অনুসৰি ধপাত সেৱনৰ ফলত প্ৰতি বছৰে ৪৮,০০০ কানাডিয়ান লোকৰ মৃত্যু ঘটি আহিছে। ২০৩৫ চনৰ ভিতৰত দেশখনত ধূমপান কৰা লোকৰ সংখ্যা জনসংখ্যাৰ পাঁচ শতাংশ বা প্ৰায় ২ নিযুত লোকলৈ হ্ৰাস কৰাৰ লক্ষ্য স্থিৰ কৰা হৈছে।
Continue Reading
