পত্নীয়ে ভাতৰ লগত দিলে ঠাণ্ডা ভাজি, স্বামীয়ে কৰিলে বিবাহ বিচ্ছেদ...

ডিজিটেল ডেস্ক: বাতৰিৰ হেডলাইটো পঢ়ি আপোনাৰো হয়তো আচৰিত লাগিব পাৰে। কিন্তু আচৰিত লাগিলেও এই কথা সঁচা। এই ঘটনা সংঘটিত হৈছে উত্তৰ প্ৰদেশত। কেৱল মাত্ৰ ঠাণ্ডা ভাজি দিয়াৰ বাবেই এগৰাকী ব্যক্তিয়ে তেওঁৰ পত্নীৰ সৈতে কৰিলে বিবাহ বিচ্ছেদ। তিনি তালাক দি পত্নীৰ সৈতে সকলো সম্পৰ্ক ছেদ কৰিলে ব্যক্তিগৰাকীয়ে।

এই ঘটনা সংঘটিত হৈছিল এপ্ৰিলৰ ১২ তাৰিখে। যেতিয়া মহিলাগৰাকীয়ে তেওঁৰ স্বামীক দুপৰীয়াৰ আহাৰ খাবলৈ দিছিল তেতিয়া সেই আহাৰ ঠাণ্ডা পাইছিল। যাৰবাবে বৰ বেয়াকৈয়ে মহিলাগৰাকীক মাৰ-ধৰ কৰিছিল স্বামীয়ে। তাৰপাছতে স্বামীয়ে তালাক দিছিল  মহিলাগৰাকীক।

ইয়াৰ পাছতেই আৰক্ষীৰ কাষ চাপে ভুক্তভোগী মহিলাগৰাকী। তেওঁৰ অভিযোগ অনুসৰি ইয়াৰ পূৰ্বে ১৫ লাখ টকাৰ যৌতুক দিয়াৰ পাছতো সুখী হোৱা নাছিল তেওঁৰ স্বামীৰ পৰিয়াল। তেওঁক দীৰ্ঘদিন ধৰি স্বামী আৰু স্বামীৰ পৰিয়ালে চলাইছিল শাৰীৰিক আৰু মানসিক নিৰ্যাতন। এই ঘটনাই দেশজুৰি সৃষ্টি কৰিছে চাঞ্চল্যৰ।