পুৱা ৮ বজাৰ পৰা আৰম্ভ মণিপুৰ নিৰ্বাচনৰ ভোট গণনা;নিৰ্ণয় হ’ব ৯২ গৰাকী প্ৰাৰ্থীৰ ভাগ্য

ডিজিটেল ডেস্কঃ আজি অৰ্থাৎ ১০ মাৰ্চত মণিপুৰ বিধানসভা নিৰ্বাচনৰ ফলাফল ঘোষণা কৰা হ’ব। ভোটগণনা পুৱা ৮ বজাৰ পৰা আৰম্ভ হৈছে। মণিপুৰ বিধানসভা নিৰ্বাচন ২৮ ফেব্ৰুৱাৰী আৰু ৫ মাৰ্চত দুটা পৰ্যায়ত অনুষ্ঠিত হৈছিল। মণিপুৰৰ ৬০ খন বিধানসভা আসনৰ বাবে নিৰ্বাচন অনুষ্ঠিত হৈছিল। EVM ত বন্দী হৈছিল ৯২ গৰাকী প্ৰাৰ্থীৰ ভাগ্য। মণিপুৰৰ নিৰ্বাচনত বিজেপি, কংগ্ৰেছ আৰু এনপিপিৰ মাজত তিনিকোণীয়া যুঁজ দেখা গৈছিল। কেইবাটাও এক্সিট প’লে ভৱিষ্যতবাণী কৰিছে যে বিজেপিয়ে মণিপুৰৰ একক সৰ্ববৃহৎ দল হিচাপে আত্মপ্ৰকাশ কৰিব। উল্লেখ্য যে মণিপুৰসহ পাঁচ ৰাজ্যত হৈ যোৱা বিধানসভা নিৰ্বাচনৰ ভোটগণনা আৰম্ভ হৈছে। ৰাতিপুৱা আঠ বজাৰ পৰা ভোটগণনা আৰম্ভ হৈছে। আৰম্ভণিতে বেলট পেপাৰৰ গণনা আৰম্ভ কৰিছে আৰু ইয়াৰ গণনা সম্পূৰ্ণ হোৱাৰ পিছত ইভিএমৰ ভোট গণনা কৰা হ’ব। ইতিমধ্যে পাঁচোখন ৰাজ্যত ভোটগণনাক লৈ সুৰক্ষা কটকটীয়া কৰি তোলা হৈছে। মণিপুৰৰ লগতে উত্তৰ প্ৰদেশ, উত্তৰাখণ্ড, গোৱা আৰু পঞ্জাৱতো ৰাতিপুৱা আঠ বজাৰ পৰা ভোটগণনা আৰম্ভ হৈছে। আৰু পঢ়কঃ বাৰে বাৰে প্ৰস্ৰাৱ কৰিবলে যদি লাগি থাকে তেন্তে সাৱধান হওঁক! হ’ব পাৰে গুৰুতৰ ৰোগৰ লক্ষণ