পুৱা ফুৰিবলৈ গৈছিল পত্নী,সন্ধিয়া ঘূৰি আহি বিছনাত দেখে অৰ্ধনগ্ন যুৱতীৰ মৃতদেহ!

ডিজিটেল ডেস্কঃ ৰাজধানী দিল্লীত এক চাঞ্চল্যকৰ ঘটনা পোহৰলৈ আহিছে। এগৰাকী মহিলাই আত্মীয়ৰ ঘৰলৈ ফুৰিবলৈ গৈছিল। ঘৰলৈ ঘূৰি আহি এক দৃশ্য দেখি তেওঁ আতংকত চিঞৰি উঠে। মহিলাগৰাকীয়ে ঘৰৰ দুৱাৰ খুলি বিছনাত দেখা পায় অৰ্ধনগ্ন যুৱতীৰ এটা মৃতদেহ। ঘটনাটোৰ পিছৰে পৰা মহিলাগৰাকীৰ স্বামী পলাতক হৈ আছে। এই চাঞ্চল্যকৰ ঘটনাটো সংঘটিত হৈছে দিল্লীৰ বুৰাৰী অঞ্চলত। বুৰাৰী আৰক্ষী থানাই এটা গোচৰ ৰুজু কৰিছে আৰু বিষয়টোৰ তদন্ত আৰম্ভ কৰিছে। আৰক্ষীয়ে সন্দেহ কৰিছে যে মহিলাগৰাকীৰ স্বামীয়ে যুৱতীগৰাকীক হত্যা কৰাৰ পাছত ঘটনাস্থলীৰ পৰা পলায়ন কৰিছে। আৰক্ষীৰ এটা দলে তেওঁক বিচাৰি উলিয়াবলৈ চেষ্টা কৰি আছে। বুৰাৰী আৰক্ষী থানাৰ মতে অমন ৰাৱট নামৰ লোকজনে তেওঁৰ পত্নী প্ৰিয়ংকা ৰাৱটৰ সৈতে বুৰাৰী অঞ্চলৰ কৌশিক এনক্লেভত বাস কৰে। তেওঁ ভৱনটোৰ তলত থকা এটা কোম্পানীত কাম কৰে। অমনৰ পত্নী প্ৰিয়ংকা শুকুৰবাৰে পুৱা এজন আত্মীয়ৰ ঘৰলৈ ফুৰিবলৈ গৈছিল। সন্ধিয়া ৮ বজাত ঘৰলৈ ঘূৰি আহি যেতিয়া প্ৰিয়ংকাই দুৱাৰখন খুলিছিল তেতিয়া তেওঁ বিছনাত এগৰাকী যুৱতীৰ অৰ্ধ-উলংগ মৃতদেহ পৰি থকা অৱস্থাত দেখা পাইছিল। মৃতদেহটো দেখি ভয় খাই প্ৰিয়ংকাই লগে লগে আৰক্ষীক ফোন কৰে। এই খবৰ পোৱাৰ পাছতে ঘটনাস্থলীত উপস্থিত হৈ আৰক্ষীয়ে এটা গোচৰ ৰুজু কৰে আৰু তদন্ত আৰম্ভ কৰে। জ্যেষ্ঠ আৰক্ষী বিষয়াসকলে ঘটনাস্থলী পৰিদৰ্শন কৰিছে। যুৱতীগৰাকীক ডিঙি চেপি হত্যা কৰা হৈছে। আৰক্ষীয়ে জনোৱা অনুসৰি যুৱতীগৰাকী নাটুপুৰা অঞ্চলৰ বাসিন্দা আছিল। মৃত ছোৱালীজনীৰ পিতৃক ঘটনাটোৰ বিষয়ে অৱগত কৰা হৈছে। আৰক্ষীৰ তদন্তত ধৰা পৰিছে যে যুৱতীগৰাকীৰ সৈতে অমন ৰাৱটৰ দীৰ্ঘদিনীয়া সম্পৰ্ক আছিল। আৰক্ষী বৰ্তমান অমনৰ সন্ধানত নামি পৰিছে। অমনে যুৱতীগৰাকীক কিয় ঘৰলৈ মাতিছিল আৰু কি পৰিস্থিতিত হত্যাকাণ্ডটো সংঘটিত হৈছিল সেয়া অমন জালত পৰাৰ পাছতহে গম পোৱা যাব বুলি সদৰী কৰিছে দিল্লী আৰক্ষীয়ে। আৰু পঢ়কঃ ৩২ দিনলৈকে সাৱধান! সূৰ্যৰ প্ৰভাৱত দুৰ্বল হ’ব বৃহস্পতি! ৰাশিফলে কি কয়?