ডিজিটেল ডেস্কঃ আন্না হাজাৰেই আকৌ এবাৰ ৰালেগান সিদ্ধিৰ পৰা আন্দোলন কৰিবলৈ সাজু হৈছে। আন্নাৰ এই আন্দোলনত সমগ্ৰ দেশৰ সৈনিকসকল অন্তৰ্ভুক্ত থাকিব বুলি জানিব পৰা গৈছে। আন্না হাজাৰেৰ আন্দোলনত সমগ্ৰ দেশৰ প্ৰাক্তন সৈনিকসকলে কিয় ভাগ ল’ব বাৰু ?
প্ৰাপ্ত খবৰ অনুসৰি ১৯ নৱেম্বৰত ৰালেগান সিদ্ধিত ৰাজ্য আৰু কেন্দ্ৰীয় চৰকাৰৰ বিৰুদ্ধে হাজাৰ হাজাৰ প্ৰাক্তন সৈন্যই কৃষকসকলক নিশ্চিত মূল্য প্ৰদান কৰা, দেশৰ সৈনিকসকলৰ ভৱিষ্যত সুৰক্ষিত কৰা , সৈনিকসকলৰ সন্তানৰ বাবে বিনামূলীয়া শিক্ষাৰ দিহা কৰা আদি দাবীসমূহকলৈ আন্দোলনত নামিব। ।
উল্লেখ্য আন্না হাজাৰে এগৰাকী সমাজকৰ্মী। যিয়ে সফলতাৰে বহু সামাজিক সংস্কাৰৰ নেতৃত্ব দিছে। তেওঁৰ আটাইতকৈ বিখ্যাত কাম হৈছে জন লোকপাল বিধেয়ক প্ৰৱৰ্তন কৰা, যিয়ে ভাৰতত দুৰ্নীতি সম্পৰ্কীয় গোচৰৰ তদন্তৰ বাবে লোকপাল গঠনৰ বাবে দুৰ্নীতি বিৰোধী আইনৰ প্ৰস্তাৱ দিছিল।
ৰালেগান সিদ্ধি পশ্চিম ভাৰতৰ মহাৰাষ্ট্ৰ আহমেদনগৰ জিলাৰ পাৰনাৰ তালুকাৰ এখন গাওঁ। ই পুনেৰ পৰা ৮৭ কিলোমিটাৰ দূৰত্বত অৱস্থিত। গাওঁখনে সৌৰ শক্তি, জৈৱ গেছ আদিৰ ব্যৱহাৰৰ ক্ষেত্ৰত উল্লেখনীয় নিদৰ্শন দাঙি ধৰিছে।
Continue Reading
