ডিজিটেল ডেস্ক: পুনৰ অশান্ত হৈ পৰিছে মণিপুৰ৷ নিৰাপত্তাহীনতাত ভুগিছে মণিপুৰবাসী৷ মণিপুৰৰ বিষ্ণুপুৰ জিলাৰ মৈৰাং চহৰত শুকুৰবাৰে সংঘটিত হৈছে ৰকেট চালিত গ্ৰেনেড আক্ৰমণৰ ঘটনা৷ ধাৰাবাহিকভাৱে সংঘটিত হৈ থকা আক্ৰমণে ৰাজ্যখনত উত্তপ্ত পৰিৱেশৰ সৃষ্টি কৰিছে৷ এনে পৰিস্থিতিৰ পৰিপ্ৰেক্ষিতত ৰাজ্যখনত ৰাজহুৱা জৰুৰীকালীন অৱস্থা ঘোষণা কৰিছে(COCOMI)মণিপুৰ অখণ্ডতা সমন্বয়ক সমিতিয়ে।
আক্ৰমণস্থলীত সংবাদ মাধ্যমক সম্বোধন কৰি কোকমি(COCOMI)ৰ আহ্বায়ক থকচম ছ’ম’ৰেন্দ্ৰই আৱাসিক এলেকাত ৰকেট বোমা ব্যৱহাৰ কাৰ্যক গৰিহণা দিছে। উন্নত অস্ত্ৰ ব্যৱহাৰকাৰী উগ্ৰপন্থীৰ আক্ৰমণৰ প্ৰতি চৰকাৰ কোনো ব্যৱস্থা গ্ৰহণ নকৰাৰ বাবে অভিযোগ উত্থাপন কৰি ছ’ম’ৰেন্দ্ৰই কেন্দ্ৰীয় বাহিনীৰ দুৰ্বলতাক তীব্ৰ সমালোচনা কৰিছে৷ ছ’ম’ৰেন্দ্ৰই মণিপুৰৰ জনসাধাৰণক স্বতস্ফুতভৱে নিজৰ ভূমি সুৰক্ষিত কৰিবলৈ আহ্বান জনাই কয় সুৰক্ষাৰ বাবে কেন্দ্ৰীয় চৰকাৰৰ ওপৰত নিৰ্ভৰ কৰিব নোৱাৰো।
COCOMI ৰ অহ্বায়ক গৰাকীয়ে অভিযোগ উত্থাপন কৰি কয় যে মেইটেই সম্প্ৰদায়ক কেন্দ্ৰ কৰি ‘চিন-কুকি ৰাষ্ট্ৰ’ গঠন কৰাৰ ষড়যন্ত্ৰ চলি আছে। ৰাজ্যখনৰ সৃষ্টি হোৱা নিৰাপত্তাহীনতাৰ বাবে ৰাজহুৱা জৰুৰীকালীন অৱস্থা ঘোষণা কৰিছে আৰু ৰাজ্যখনৰ পৰিস্থিতি সুস্থিৰ নোহোৱালৈকে সমগ্ৰ ৰাজ্যৰ বিদ্যালয়-মহাবিদ্যালয় বন্ধ কৰাৰ নিৰ্দেশ দিছে COCOMI-এ। ৰাজ্য চৰকাৰেও বিদ্যালয়-মহাবিদ্যালয় বন্ধ ঘোষণা কৰিছে৷
Continue Reading
