পুটিন এদিন হ’বগৈ বিশ্বৰ শাসক! ৯/১১ আক্ৰমণৰ ভৱিষ্যতবাণী কৰা বাবা ভাঙ্গাৰ ভৱিষ্যতবাণী এইবাৰ ফলিয়াবনে?

ডিজিটেল ডেস্কঃ ৰাছিয়া-ইউক্ৰেইন যুদ্ধৰ ফলত ইউক্ৰেইন যে বিধ্বস্ত হৈছে সেইয়া নিশ্চিত। ৰাছিয়াৰ ৰাষ্ট্ৰপতি ভ্লাদিমিৰ পুটিনেও ইউক্ৰেইনৰ ওপৰত পাৰমাণৱিক আক্ৰমণৰ ভৱিষ্যতবাণী দিছে। ইউক্ৰেইনৰ ৰাষ্ট্ৰপতিয়ে বাৰে বাৰে আলোচনাৰ মাজেৰে সমস্যা সমাধান কৰিবলৈ ইচ্ছা প্ৰকাশ কৰাৰ পাছতো, ৰাছিয়াই যুদ্ধৰ ৩৩ দিন অতিক্ৰম কৰাৰ পাছতো যুদ্ধ অব্যাহত ৰাখিছে। বৰ্তমান সময়ত পুটিনক বাধা দিয়াটো এক প্ৰকাৰৰ কঠিন হৈ পৰিছে। তেওঁ আনকি আমেৰিকা যুক্তৰাষ্ট্ৰ আৰু ইউৰোপৰ দেশসমূহে যুদ্ধ বন্ধ কৰিবলৈ জনোৱা আহ্বানকো এক প্ৰকাৰৰ নসাৎ কৰিছে। আনকি পৃথিৱীৰ বিভিন্ন শীৰ্ষ নেতাই তেওঁৰ সৈতে ফোন কৰি যুদ্ধ বন্ধ কৰিবলৈ আহ্বান জনোৱা পাছতো তেওঁ যুদ্ধ বন্ধ কৰা নাই। তাৰ পৰিৱৰ্তে তেওঁ কয়, "মই পৃথিৱীক আগতে নেদেখা ভয়ংকৰ পৰিস্থিতি দেখুৱাম।" " শেহতীয়াকৈ বাবা ভাঙ্গাই এক ডাঙৰ ভৱিষ্যতবাণী কৰিছে যে, ভ্লাদিমিৰে সমগ্ৰ পৃথিৱীত আধিপত্য বিস্তাৰ কৰিব পাৰে। তেওঁ ইয়াকো দাবী কৰিছে যে পুটিন এসময়ত বিশ্বৰ "প্ৰভু" হ'ব। ১৯৭৯ চনত এজন বিখ্যাত জ্যেতিষী ব্লাইণ্ড মিষ্টিকে কৈছিল যে, "গোটেই পৃথিৱীখন বৰফৰ দৰে গলি যাব।" কিন্তু কোনেও ভ্লাদিমিৰক স্পৰ্শ কৰিব নোৱাৰে। পুটিন নেতৃত্বাধীন ৰাছিয়াক কোনেও বাধা দিব নোৱাৰে। "পুটিনৰ পথত যিয়েই হেঙাৰ হৈ থিয় দিব তেওঁ শেষ হোৱাটো নিশ্চিত। তেওঁৱেই এদিন বিশ্বৰ প্ৰভু হ'ব। " ১৯৯৬ চনত তেওঁৰ মৃত্যুৰ আগতে তেওঁ পুনৰ এবাৰ ৰাছিয়াৰ ভৱিষ্যতবাণী কৰিছিল। তেওঁ দাবী কৰিছিল যে তৃতীয় বিশ্বযুদ্ধত পাৰমাণৱিক অস্ত্ৰ ব্যৱহাৰ কৰা হ'ব। সাম্প্ৰতিক সময়ত, বহুলোকে এই 'ভৱিষ্যতবাণী'ক লৈ চিন্তিত হৈ পৰিছে। কিয়নো, অতীতত একাধিকবাৰ, বাবা ভাঙ্গাৰ ভৱিষ্যতবাণী ফলিয়াইছিল।