ডিজিটেল ডেস্কঃআধুনিক প্ৰযুক্তিয়ে মানুহক ক’ৰ পৰা ক’লৈ নিছে সেয়া কোনেও ক’ব নোৱাৰে৷ কোনো অপৰিচিত স্থানলৈ গ’লে ঠাই বা পথ বিচাৰি উলিয়াবলৈ আমি বহুতেই গুগল মেপ ব্যৱহাৰ কৰো৷ গুল মেপত সঠিক ভাবেই স্থানৰ নিৰ্দেশা যিদৰে দিয়া হয় ঠিক তেনেদৰে আগুৱাই গ’লেই গন্তব্যস্থলত উপস্থিত হ’ব পৰা যায়৷ কিন্তু প্ৰযুক্তিৰো কেতিয়াবা গোলযোগ ঘটে৷ তেনে গোলযোগৰ বাবেই গুগল মেপ চাই গাড়ী চলাই গৈ গৈ অৱশেষত খালত সোমাল কেৰালাৰ এটা পৰিয়াল৷
পৰিয়ালটোত এটি তিনিমহীয়া কেঁচুৱাও আছিল৷ অৱশ্যে স্থানীয় লোকৰ প্ৰচেষ্টাত পৰিয়ালটোৰ আটাইকেইজন লোকৰে প্ৰাণ কথমপি ৰক্ষা পৰে যদিও গাড়ী খন খালটোত সম্পূৰ্ণ ৰূপে বুৰ যায়৷
চালকজনে গুগল মেপৰ সহায় লৈছিল যিহেতু তেওঁ নিশা পলমকৈ পথ হেৰুৱাইছিল। গাড়ীখন পোনে পোনে এটা খাললৈ গৈছিল। অৱশ্যে, যাত্ৰীসকল অক্ষত। নিশা তেতিয়া ১০.৩০ বাজিছিল৷ কেৰালাৰ মহিলা চিকিৎসক ছোনিয়াই তীব্ৰ বেগেৰে চলাই গৈছিল তেওঁৰ গাড়ী খন৷ এৰ্নাকুলামৰ পৰা কুম্বানাডত থকা ঘৰলৈ বুলি তীব্ৰ গতিৰে আগবাঢ়িছিল চিকিৎসকগৰাকীৰ গাড়ী৷ গাড়ীত আছিল তেওঁৰ তিনিমহীয়া কেঁচুৱাটিও৷ সেয়ে সোনকালে ঘৰ আহি পাবলৈ উদগ্ৰীৱ হৈ পৰিছিল চিকিৎসক ছোনিয়া ।
কিন্তু এন্ধাৰ নিশা আদবাটতে পথৰ আঁত হেৰাল তেওঁৰ৷ লগে লগে খুলি ল’লে গুগল মেপ৷ গুগলৰ সুনন্দৰ কণ্ঠৰ আৰ্টিফিচিয়েল যুৱতীয়েও যিফালেই যাবলৈ ক’লে সেই ফালেই ষ্টিয়েৰিং ঘূৰাই গাড়ী চলাই গ’ল ছোনিয়াই৷ কিন্তু এয়া কি গুগল মেপে কোৱাৰ দৰেই গৈ গৈ ছোনিয়াৰ গাড়ী খন এটা পানীৰে পৰিপূৰ্ণ দ খালত সোমাই পৰিল৷ লগে লগে বাজি উঠিল গাড়ী খনত থকা বিপদ ঘণ্টা৷ সেই শব্দ শুনি বাহিৰলৈ ওলাই আহিল স্থানীয় লোক৷
স্থানীয় লোকসকলে জানিব পাৰিলে যে এখন গাড়ী দ খালটোত পৰিছে৷ লগে লগে চলিল উদ্ধাৰ অভিযানষ স্থানীয় লোকে ৰছীৰে উদ্ধাৰ কৰিলে খালত পৰা পৰিয়ালটোৰ আটাইকেইজন লোককে৷ গাড়ী খনত আছিল চিকিৎসক ছোনিয়াৰ তিনিমহীয়া কেঁচুৱাটিৰ লগতে মাক আৰু এজন আত্মীয় ।
ঘটনাৰ খবৰ পাই ঘটনাস্থলীত উপস্থিত হ’ল আৰক্ষীও৷ পশ্চিম কোট্টায়াম আৰক্ষী থানাৰ সূত্ৰই প্ৰকাশ কৰা মতে গাড়ীখনত জৰুৰীকালীন সংকেত দিয়াৰ ব্যৱস্থা আছিল। সেইবাবেই পৰিয়ালটোৰ প্ৰাণ ৰক্ষা পৰিল৷পানীত পৰাৰ লগে লগে গাড়ী খনৰ বিপদ সংকেত বাজি উঠিছিল আৰু স্থানীয় লোকসকলে ঘটনাস্থলীলৈ দৌৰি গৈছিল। এই ঘটনাত যাত্ৰীসকলৰ প্ৰাণ ৰক্ষা পৰিল যদিও গাড়ীখন ডুব যায়৷
Continue Reading
