ডিজিটেল ডেস্কঃ ''RSSৰ বাবেহে ভাৰত পাকিস্তান হোৱাৰ পৰা ৰক্ষা পৰিছে৷ ভাৰত পাকিস্তান সদৃশ দেশ হোৱা নাই কেৱলমাত্ৰ RSSৰ কৃপাত''-এই মন্তব্য কৰ্ণাটকৰ পশুপালন মন্ত্ৰী প্ৰভু চৌহানৰ৷ মন্ত্ৰীগৰাকীৰ এই মন্তব্যক লৈ চলিছে চৰ্চা৷ RSSৰ গুণ গাই মন্ত্ৰী চৌহানে কয় যে "RSS হৈছে দেশপ্ৰেমী সংগঠন যিয়ে দেশৰ সুৰক্ষা প্ৰদান কৰি আছে। RSSৰ অধীনত ভাৰত সুৰক্ষিত। RSS থকালৈকে ভাৰতীয় লোকসকলে কোনো দেশ বা শত্ৰু বাহিনীৰ বাবে ভয় খোৱাৰ প্ৰয়োজন নাই।"
জেডিএছ নেতা এইচ ডি কুমাৰস্বামীয়ে RSSৰৰ দ্বাৰা প্ৰশিক্ষিত ৪০০০ প্ৰশাসনিক বিষয়া এতিয়া কূটনৈতিক বিভাগৰ অন্তৰ্ভূক্ত বুলি মন্তব্য কৰাৰ পাছতে কৰ্ণাটকৰ মন্ত্ৰীগৰাকীয়ে এইদৰে মত ব্যক্ত কৰে। উল্লেখযোগ্য যে, আফগানিস্তানত তালিবানৰ উত্থানৰ পাছতে কিছু সংখ্যকলোকে RSSকো তালিবানৰ সৈতে তুলনা কৰিছিল।
মন্ত্ৰী প্ৰভু চৌহানে জেডিএছক উপহাস কৰি কয় যে "জেডিএছ আৰু কুমাৰস্বামীয়ে RSSৰৰ বিষয়ে ক'বলৈ তেওঁলোকৰ কোনো যোগ্যতা নাই।"
Continue Reading
