ডিজিটেল ডেস্ক : কৰ'না মহামাৰীয়ে সমগ্ৰ বিশ্বতেই ত্ৰাসৰ সৃষ্টি কৰিছিল৷ যাৰফলত ২ বছৰত প্ৰায় ৮ মাহে সম্পূৰ্ণ আৰু অৰ্ধ লকডাউন কৱলত পৰিছিল ভাৰত৷ চীনৰ ৱুহানৰ পৰা জন্ম লাভ কৰা মহামাৰী কৰ'নাই অতি সময়তেই সগ্ৰ বিশ্বতেই ৰাজ কৰিবলৈ সক্ষম হৈছিল৷ ইতিমধ্যেই কৰ'নাৰ প্ৰথম আৰু দ্বিতীয় ঢৌৱত বিধস্থ হৈ পৰা দেশখনত অশনি সংকেটে দেখা দিছে৷ অতি ঘাতকৰূপত দেখা গৈছে কৰ’নাৰ নতুন ভেৰিয়েণ্ট অমিক্ৰন ৷ নতুনকৈ উদ্ভৱ হোৱা বি.১.১.৫২৯ অমিক্ৰনে মনোক্ল'নেল এণ্টিব'ডী থেৰাপী বা ককটেল চিকিৎসাৰ প্ৰতি সঁহাৰি নিদিব পাৰে বুলি বিশেষজ্ঞসকলে আশংকা প্ৰকাশ কৰিছে৷ কেইবাখনো ইউৰোপীয় ৰাষ্ট্ৰই এই নতুন প্ৰকাৰৰ ভাইৰাছৰ সংক্ৰমণে পুনৰবাৰ লকডাউনৰ আশংকা সুচাইছে৷ যাৰফলত অতিমাৰী অমিক্ৰন সন্দৰ্ভত নতুন এছঅ'পি জাৰী কৰিছে ভাৰত চৰকাৰে৷ এছঅ'পি অনুসৰি, বিদেশৰ পৰা অহা প্ৰতিগৰাকী যাত্ৰীক ৰখা হ'ব স্বাস্থ্য বিভাগৰ নিৰীক্ষণত৷ কেন্দ্ৰীয় স্বাস্থ্য সচিবৰ নিৰ্দেশনামূলক পত্ৰ প্ৰতিখন ৰাজ্যলৈ প্ৰেৰণ কৰা হয় এই নতুন ক'ভিড নীতি৷
বিমান বন্দৰতে RTPCRৰ কৰিব লাগিব বিদেশৰ পৰা অহা যাত্ৰীয়ে৷ RTPCRৰ ফলাফল নহালৈ যাত্ৰী হ’ব লাগিব কোৱাৰেণ্টাইন৷ বিদেশৰ পৰা অহা প্ৰতি যাত্ৰীয়ে দিব লাগিব যাত্ৰাৰ সবিশেষ বিৱৰণ৷ ৯খনকৈ দেশক অমিক্ৰনৰ ক্ষেত্ৰত ‘শংকাপূৰ্ণ’ চিহ্নিত ভাৰতৰ বাবে৷ দঃ আফ্ৰিকা, ব্ৰিটেইন, অষ্ট্রেলিয়া, জার্মানী , ইজৰাইল, নেডাৰলেণ্ড চেক গণৰাজ্য, বটচোৱানা, হংকঙো আছে এই শংকাপূৰ্ণ তালিকাত৷
এই ৯ দেশৰ পৰা অহা যাত্ৰীৰ ক্ষেত্ৰত সৰ্বাধিক সতৰ্কতা জাৰী কৰিছে ভাৰতে৷ অমিক্ৰনেৰে যুঁজিবলৈ ভাৰতত ইতিমধ্যে বিশেষ গোট গঠন কৰা হৈছে৷ চাৰ্ছ-কোভ-২-জেনমিক কন্সৰটিয়াম নামে গোট গঠন কৰা হয়৷ তথাপিও ভাৰতে এতিয়ালৈ বন্ধ কৰি দিয়া নাই আন্তঃৰাষ্ট্ৰীয় বিমান সেৱা৷ পৰবৰ্তী সময়ত সময়-পৰিস্থিতিৰ ওপৰত লক্ষ্য ৰাখি ভাৰতে এই পদক্ষেপ গ্ৰহণ কৰিব বুলি জানিবলৈ পোৱা গৈছে৷
Continue Reading
