ডিজিটেল
ডেস্ক : গ্ৰীষ্মকাল অহাৰ লগে লগে আমি সকলোৱে ঠাণ্ডা
পানী খাবলৈ আৰম্ভ কৰো। সূৰ্য্যৰ উৎকট তাপ ফলতেই এনে হয়। কিন্তু আপুনি জানেনে যে ঠাণ্ডা
পানী আপোনাৰ বাবে বিপদজনক বুলি প্ৰমাণিত হ’ব পাৰে? এই বতৰত বেছিকৈ
ঠাণ্ডা পানী খালে স্বাস্থ্যজনিত বহু সমস্যাৰ সৃষ্টি হ’ব পাৰে। সেই সমস্যাবোৰৰ বিষযে
জানে আহক।
১.
হৃদস্পন্দনত প্ৰভাৱ পেলায় : ঠাণ্ডা পানীয়ে
আপোনাৰ হৃদস্পন্দনৰ গতিত অতি গুৰুতৰভাৱে প্ৰভাৱ পেলায়। ঠাণ্ডা পানীয়ে আমাৰ শৰীৰৰ
স্নায়ুতন্ত্ৰৰ ভাৰসাম্য ৰক্ষাত ব্যাঘাত জন্মায়। যাৰ বাবে আমাৰ হৃদস্পন্দনৰ গতি লেহেমীয়া
হয়।
২.
মেদবহুলতা বৃদ্ধি : মেদবহুলতাৰ আঁৰৰ এটা ডাঙৰ কাৰণ হ’ল আমাৰ অনিয়মিত জীৱনশৈলী। যদি
আপুনি খাদ্য খোৱাৰ লগে লগে ঠাণ্ডা পানী খায়, তেন্তে আপোনাৰ মেদবহুলতাৰ সম্ভাৱনা বহুগুণ বৃদ্ধি পায়। সেয়েহে বিশেষজ্ঞসকলে
খাদ্য খোৱাৰ লগে লগে পানী খোৱাত বাধা আৰোপ কৰে।
৩.
চৰ্দি-কাহ হ’ব পাৰে : এই বতৰত ঠাণ্ডা
পানী খালে মানুহ চৰ্দি-কাহৰ ৰোগত আক্ৰান্ত হ’ব পাৰে। সেইবাবেই খাদ্য খোৱাৰ পাছত ঠাণ্ডা
পানীৰ পৰিৱৰ্তে সাধাৰণ পানী খোৱা উচিত।দৰাচলতে ঠাণ্ডা পানীয়ে আমাৰ শৰীৰত প্ৰচুৰ পৰিমাণে
শ্লেষ্মা উৎপন্ন কৰে, যাৰ বাবে শৰীৰত সংক্ৰমণৰ আশংকা বাঢ়ি যায়।
৪.
পাচন শক্তি দুৰ্বল : অতি ঠাণ্ডা পানী বা যিকোনো পানীয়ই আপোনাৰ ৰক্তকণিকাত প্ৰভাৱ পেলায়, যাৰ ফলত আমাৰ পাচনত প্ৰত্যক্ষ প্ৰভাৱ পৰে। ঠাণ্ডা
পানী খোৱাৰ ফলত পাচনতন্ত্ৰ দুৰ্বল হৈ পৰে। সেইবাবেই ঠাণ্ডা পানী পৰিহাৰ কৰাৰ পৰামৰ্শ
দিয়া হৈছে।
