ডিজিটেল ডেস্কঃ হুবহু দীপিকাৰ দৰেই দেখিবলৈ তেওঁ, কিন্তু দীপিকা নহয়। হয়, এখন ছবিয়ে তোলপাৰ লগাইছে ছ’চিয়েল মিডিয়াত। পিছে, হঠাত্ এইদৰে চৰ্চাৰ কেন্দ্ৰবিন্দু হৈ পৰা মহিলাগৰাকী বাৰু কোন? নেট জগতত ইয়াক লৈ তীব্ৰ চাঞ্চল্যৰ সৃষ্টি হৈছে। বলীউডৰ পৰা হলীউডলৈ দীপিকা পাডুকনৰূপী মহিলাগৰাকীক লৈ লাগিছে হৈ-চৈ। সাইলাখ দীপিকাৰ দেৰ দেখাত মহিলাগৰাকীক নেটিজেনে নহয় বুলি প্ৰমাণ কৰে কেনেকৈ! স্বাভাৱিকতে বিপাঙত পৰিছে নেটিজেন।
আচলতে, দীপিকাৰ দৰে সাইলাখ একে ভদ্ৰ মহিলাগৰাকী হৈছে ঋজুটা ঘোষ দেৱ। এইগৰাকী প্ৰবাসী বঙালী মহিলাই প্ৰায়ে ইনষ্টাগ্ৰামত নিজৰ ছবি পোষ্ট কৰে। মিউনিখত বাস কৰা ঋজুটা পেছাত এগৰাকী ভিডিঅ’ কণ্টেণ্ট ক্ৰিয়েটৰ। ঋজুটাই পোষ্ট কৰা ছবিখনৰ কমেণ্ট বক্সত নেটিজেনে লিখিছে, 'তুমি দেখিবলৈ সাইলাখ দীপিকা।' কোনোবাই আকৌ লিখিলে, 'দীপিকা ২.০'। কোনোবাই সুধিলে, ‘তুমি দীপিকাৰ যমজ সন্তান নেকি’?
মুঠতে সীমাহীন কৌতুহল ভাৰ কমেণ্টেৰে ভৰি পৰিছে ঋজুটাৰ একাউণ্ট। ইফালে, অভিনেত্ৰী দীপিকা পাডুকোন বৰ্তমান ব্যস্ত আমেৰিকাত। পতিৰ সৈতে মধুৰ সময় কটাইছে দীপিকাই। তেওঁলোকে কটোৱা অন্তৰংগ মুহূৰ্তৰ বহু ছবি ইতিমধ্যে ভাইৰেল হৈ পৰিছে ছ’চিয়েল মিডিয়াত।
Continue Reading
