ডিজিটেল ডেস্কঃ যেতিয়া সংবাদ মাধ্যমে জনসাধাৰণক প্ৰতিনিধিত্ব নকৰে, জনসাধাৰণৰ অধিকাৰ বঞ্চিত হয়, তেতিয়া ৰাইজে সেই মিডিয়াক প্ৰত্যাখ্যান কৰে। চৰকাৰী পদলেহনকাৰী এনে বহু সংবাদ প্ৰতিষ্ঠানৰ প্ৰতি ইতিমধ্যে গৰিষ্ঠসংখ্যক নাগৰিকৰ মোহভঙ্গ ঘটিছে । এইখন নতুন ভাৰত ।এনেবোৰ কাৰণতে ভাৰতত মুক্তভাৱে মতপ্ৰকাশ কৰিবপৰা সুবিধাৰ বাবে বিকল্প মাধ্যমৰূপে জনপ্ৰিয় হৈ উঠিছে ফেচবুক,টুইটাৰ আদিৰ দৰে বিকল্প মাধ্যমসমূহ। বিভিন্ন অন্যায়ৰ বিৰুদ্ধে সহজেই সকলোকে এনে মাধ্যমসমূহৰ জৰিয়তে সচেষ্ট আৰু সংগঠিত কৰিব পাৰি ৷
ভাৰতে জাৰ্মানীত জি-৭ দেশসমূহ আৰু আন চাৰিখন দেশৰ সৈতে এক বিবৃতিত স্বাক্ষৰ কৰি কয় যে “নাগৰিক সমাজৰ স্বাধীনতা, স্বাধীনতা আৰু বৈচিত্ৰ্য ৰক্ষা কৰা” আৰু “অনলাইন আৰু অফলাইনত মত প্ৰকাশ আৰু মতামতৰ স্বাধীনতা সুৰক্ষিত কৰা ৷
কিন্তু বাস্তৱক্ষেত্ৰত ভাৰতবৰ্ষত এখন বিপৰীত ছবি পৰিলক্ষিত হয় ৷ উল্লেখযোগ্য যে ২০১৮ চনৰ মাৰ্চ মাহত দিয়া টুইটৰ বাবে দিল্লী আৰক্ষীয়ে সাংবাদিক মহম্মদ জুবাইৰক ধৰ্মীয় আৱেগক আঘাত কৰাৰ অভিযোগত গ্ৰেপ্তাৰ কৰাৰ দিনা ভাৰতে এই বিবৃতিত স্বাক্ষৰ কৰিছিল।
সংবাদ মাধ্যমৰ সংগঠন আৰু বিৰোধী নেতাসকলে মোদী চৰকাৰক সমালোচনা কৰি কয় যে এই কাৰ্য্য “ভাৰতত সংবাদ মাধ্যমৰ স্বাধীনতাৰ বাবে আন এক প্ৰহসন । সংবাদ মাধ্যমৰ চোৱাচিতা সংস্থা “ৰিপ’ৰ্টাৰ্ছ উইদাউট ব’ৰ্ডাৰ্ছে” প্ৰকাশ কৰা এইবাৰৰ ৱৰ্ল্ড প্ৰেছ ফ্ৰিডম ইনডেক্সত ১৮০ খন দেশৰ ভিতৰত ভাৰতৰ ৰেংক ১৫০ স্থানত উপনীত হৈছে ৷
গুগুল,ফেচবুক আৰু টুইটাৰে প্ৰতি বছৰে লুমেন ডাটাবেছৰ সহায়ত শেহতীয়াকৈ প্ৰকাশ কৰা এখন প্ৰতিবেদন অনুসৰি কেন্দ্ৰীয় চৰকাৰে ২০২১চনৰ ৫জানুৱাৰীৰ পৰা ২৯ ডিচেম্বৰলৈকে টুইটাৰ কৰ্তৃপক্ষক ভাৰতৰ বহু প্ৰভাৱশালী সাংবাদিক, কৃষকনেতা,বিৰোধী নেতা আদিৰ প্ৰায় ১,১৭৮টা একাউন্ট বন্ধ কৰি দিবলৈ অনুৰোধ জনাইছিল ৷ বিশেষ সূত্ৰৰ পৰা জানিব পৰা মতে,ইয়াৰ মাজত সংযুক্ত কিষাণ মৰ্চা, কিষাণ একতা মৰ্চাৰ মোদী চৰকাৰ, কংগ্ৰেছ আৰু আম আদমী পাৰ্টীৰ নেতা আৰু প্ৰভাৱশালী সাংবাদিকো আছে ।
Continue Reading
